جوان افراد میں ہارٹ اٹیک اور امراض قلب کے کیسز بڑھنے کی اہم وجہ دریافت

حالیہ برسوں میں جوان افراد میں امراض قلب اور ہارٹ اٹیک کی شرح میں نمایاں اضافہ دیکھنے میں آیا ہے۔

اب طبی ماہرین نے اس کی ممکنہ وجہ پر روشنی ڈالی ہے۔

درحقیقت جو افراد بچپن میں زیادہ وقت بیٹھ کر گزارتے ہیں، ان میں جوانی یا درمیانی عمر میں امراض قلب، ہارٹ اٹیک یا فالج کا خطرہ بہت زیادہ ہوتا ہے۔

یہ انکشاف فن لینڈ میں ہونے والی ایک طبی تحقیق میں سامنے آیا۔

تمباکو نوشی سے ڈپریشن سے متاثر ہونے کا خطرہ بڑھتا ہے، تحقیق

تمباکو نوشی کی عادت سے کسی ذہنی مرض کے باعث اسپتال میں داخلے کا خطرہ 250 فیصد بڑھ جاتا ہے۔

ایسٹرن فن لینڈ یونیورسٹی کی تحقیق میں بتایا گیا کہ بچپن میں زیادہ وقت بیٹھ کر گزارنے سے دل کا حجم بڑھ جاتا ہے۔

تحقیق کے مطابق دل کا حجم بڑھنے کے باعث دل کو اپنے افعال کے لیے زیادہ محنت کرنا پڑتی ہے جس سے اس پر تناؤ بڑھتا ہے۔

اس تحقیق کے لیے 1990 کی دہائی میں لڑکیوں پر ہونے والی ایک تحقیق کے ڈیٹا کی جانچ پڑتال کی گئی تھی۔

ہائی بلڈ پریشر، ہارٹ اٹیک اور فالج کا شکار بنا دینے والے لوگوں کی پسندیدہ عام غذا

الٹرا پراسیس غذاؤں سے دل کی شریانوں سے جڑے امراض کا خطرہ بہت زیادہ بڑھ جاتا ہے۔

یہ مجموعی طور پر 766 لڑکیاں تھیں جن کی جسمانی سرگرمیوں کا مشاہدہ ٹریکرز کے ذریعے کیا گیا تھا۔

تحقیق میں بتایا گیا کہ 11 سال کی عمر میں جو لڑکیاں دن بھر میں 6 گھنٹے بیٹھ کر گزارتی ہیں، وہ 15 سال کی عمر میں 8 گھنٹے بیٹھ کر گزارنے لگتی ہیں جبکہ 24 سال کی عمر تک یہ وقت لگ بھگ 9 گھنٹے تک پہنچ جاتا ہے۔

تحقیق میں مزید بتایا گیا کہ زیادہ وقت بیٹھ کر گزارنے سے دل کے بائیں حصے کے حجم میں اضافہ ہو جاتا ہے۔

دل کے اس حصے کے حجم میں اضافہ درمیانی عمر میں ہارٹ اٹیک یا امراض قلب کی سنگین پیچیدگیوں کا ٹھوس عندیہ دیتا ہے۔

حرکت قلب اچانک تھم جانے یا کارڈک اریسٹ کی علامات کی نشاندہی

موجودہ عہد میں اموات کی بڑی وجوہات میں کارڈک اریسٹ کا نام بھی شامل ہے۔

اس تحقیق میں صرف لڑکیوں کو شامل کیا گیا تھا تو محققین کی جانب سے اب لڑکوں پر بھی تحقیق کرنے کی منصوبہ بندی کی جا رہی ہے۔

یہی وجہ ہے کہ ابھی تحقیق کے مکمل نتائج جاری نہیں کیے گئے بلکہ ایک حصہ سامنے آیا ہے۔

اس تحقیق کے نتائج یورپین سوسائٹی آف کارڈیالوجی کے سالانہ اجلاس کے موقع پر پیش کیے گئے۔