پاکستان
10 جنوری ، 2013
10 جنوری ، 2013 
سوات:تبلیغی مرکز میں دھماکا، 17افراد جاں بحق، 40زخمی
10 جنوری ، 2013
سوات …سوات میں تبلیغی مرکزمیں دھماکے کے نتیجے میں 17افرادجاں بحقاور 40سے زائد افراد زخمی ہوگئے۔ سرکاری ذرائع کے مطابق مینگورہ سے چھ کلومیٹر دور تختہ بند روڈ پر واقع تبلیغی مرکز میں جمعرات کی شام ایک بڑا اجتماع جاری تھا کہ اس دوران مرکزمیں زورداردھماکے سے افراتفری مچ گئی اور متعدد افراد زخمی ہوگئے۔ ابتدائی اطلاعات کے مطابق دھماکا عمارت کے بیسمنٹ میں ہوا اور اس قدر شدید تھا کہ اس کی آواز دورتک سنائی دی گئی۔ دھماکے کے بعد زخمیوں کو فوری طورپر سیدوشریف اسپتال پہنچایا گیا جہاں کئی کی حالت تشویشناک ہے۔ واقعے کے بعد سیکورٹی اہلکاروں اور پولیس نے علاقے کو گھیرے میں لے لیا ہے اورتختہ بند روڈ اوراس کے آس پاس کے علاقوں میں سیکورٹی بڑھادی گئی ہے۔
