02 اپریل ، 2025 
پنجاب پولیس کی خاتون افسر نے عالمی اعزاز اپنے نام کرلیا
02 اپریل ، 2025
لاہور: پنجاب پولیس کی خاتون افسرنے عالمی اعزاز اپنے نام کرلیا۔
ترجمان پنجاب پولیس کے مطابق ایس پی عائشہ بٹ ایکسی لینس اِن پرفارمنس ایوارڈ 2025 کے لیےمنتخب ہوگئیں، عائشہ بٹ کو انٹرنیشنل ایسوسی ایشن آف ویمن پولیس نےمنتخب کیا۔
ترجمان کے مطابق ستمبر میں گلاسگو اسکاٹ لینڈ میں ہونےوالی 62ویں سالانہ کانفرنس میں ایوارڈ دیا جائےگا،عائشہ بٹ ان دنوں سٹی ٹریفک افسر گوجرانوالا کےطور پرخدمات انجام دے رہی ہیں۔
ترجمان پنجاب پولیس کے مطابق یہ ایوارڈ ہر سال دنیا بھر سےکسی ایک خاتون پولیس افسر کوغیرمعمولی خدمات کےاعتراف میں دیاجاتاہے،عائشہ بٹ کو پولیسنگ کےشعبےمیں شاندار کارکردگی اور خدمات کےاعتراف میں منتخب کیا گیا۔
آئی جی پنجاب ڈاکٹر عثمان انور نے عائشہ بٹ کو محکمےکا نام روشن کرنےپر مبارکباد پیش کی اور کہا ان کی کامیابی تمام پولیس بالخصوص خواتین افسران کے لیےباعث فخرہے۔
