15 اکتوبر ، 2023 
کراچی اور اسلام آباد کے ائیرپورٹ سے مختلف پروازیں منسوخ، کئی تاخیر کا شکار
15 اکتوبر ، 2023
کراچی اور اسلام آباد کے ائیرپورٹ سے مختلف ائیرلائنز کی قومی اور بین الاقوامی پروازیں منسوخ جبکہ کئی تاخیر کا شکار ہوگئیں۔
غیرملکی ائیرلائن کی کراچی سے بغداد آنے جانے والی 2 پروازیں منسوخ کر دی گئیں جبکہ عراقی ائیرلائن کی کراچی کی پرواز اور اسلام آباد گلگت کی دو پروازیں تاخیر کا شکار ہو گئیں۔
نجی ائیرلائن کی اسلام آباد مسقط کی پرواز سمیت دیگر قومی اور بین الاقوامی پروازیں بھی تاخیر کا شکار ہوئی ہیں۔
ادھر لاہور ائیرپورٹ پر بارش کے باعث بیرون ملک سے آنے والی پروازوں کو لینڈنگ میں بھی مشکل کا سامنا رہا جس کے باعث مختلف پروازوں کو ملتان اور سیالکوٹ ائیرپورٹ کی جانب موڑ دیا گیا۔
دوسری جانب لاہور میں موسم کی صورتحال بہتر ہونے کے بعد فضائی آپریشن بحال کرکے چین، جدہ اور بینکاک جانے والی پروازیں روانہ کردی گئیں۔
