دنیا بھر میں ذیابیطس جیسے مرض کے تیزی سے پھیلنے کی اہم وجہ دریافت

ذیابیطس ٹائپ 2 دنیا بھر میں تیزی سے پھیلنے والا مرض ہے اور اب اس کے پھیلاؤ کی ایک اہم وجہ سامنے آئی ہے۔

ہفتے میں 2 بار سرخ گوشت (گائے یا بکرے کا گوشت) کے استعمال سے ذیابیطس ٹائپ 2 سے متاثر ہونے کا خطرہ بڑھ جاتا ہے۔

یہ دعویٰ امریکا میں ہونے والی ایک طبی تحقیق میں سامنے آیا۔

ہارورڈ ٹی ایچ چن اسکول آف میڈیسن کی تحقیق میں بتایا گیا کہ سرخ گوشت کا استعمال جتنا زیادہ ہوگا، ذیابیطس کا خطرہ اتنا زیادہ بڑھ جائے گا۔

سرخ گوشت کا زیادہ استعمال امراض قلب اور ذیابیطس کا خطرہ بڑھاتا ہے، تحقیق

روزانہ پراسیس سرخ گوشت کی 50 گرام مقدار کے استعمال سے امراض قلب کا خطرہ 26 جبکہ ذیابیطس کا 44 فیصد تک بڑھ جاتا ہے۔

تحقیق میں بتایا گیا کہ اس وقت دنیا بھر میں 46 کروڑ سے زائد افراد ذیابیطس ٹائپ 2 کے شکار ہیں اور اس مرض کے پھیلاؤ کی شرح میں تیزی سے اضافہ ہو رہا ہے۔

اس تحقیق میں 2 لاکھ 16 ہزار 695 افراد پر ہونے والی 2 تحقیقی رپورٹس کے ڈیٹا کی جانچ پڑتال کی گئی تھی۔

ان افراد کی غذائی عادات اور صحت کا جائزہ 1976 سے 2017 تک لیا گیا تھا اور اس دوران ہر دوسرے سال سوالنامے بھروا کر مختلف غذاؤں کے استعمال کے بارے میں تفصیلات حاصل کی گئیں۔

2017 تک 22 ہزار 800 افراد میں ذیابیطس ٹائپ 2 کی تشخیص ہوئی تھی۔

انسانی جسم کا اوسط درجہ حرارت کتنا ہوتا ہے؟

ایک نئی تحقیق میں دریافت کیا گیا کہ اوسط جسمانی درجہ حرارت ہر فرد میں مختلف ہوتا ہے۔

تحقیق میں دریافت کیا گیا کہ زیادہ مقدار میں سرخ گوشت کھانے والے افراد میں ذیابیطس کا خطرہ 62 فیصد زیادہ ہوتا ہے۔

پراسیس یا سادہ شکل میں ہفتے میں 2 سے 3 بار سرخ گوشت کھانے سے بھی ذیابیطس کا خطرہ 40 سے 51 فیصد تک بڑھ جاتا ہے۔

اس کے مقابلے میں دالوں یا گریوں کے زیادہ استعمال سے ذیابیطس سے متاثر ہونے کا خطرہ 30 فیصد تک کم ہو جاتا ہے۔

محققین نے بتایا کہ سرخ گوشت کا زیادہ استعمال کرنے والے افراد عموماً مچھلی، پھلوں اور سبزیوں کا استعمال کم کرتے ہیں، جسمانی طور پر کم متحرک ہوتے ہیں اور ان کا جسمانی وزن بھی زیادہ ہوتا ہے، یہ سب ذیابیطس کا خطرہ بڑھانے والے عناصر ہیں۔

وہ غذا جو توند کی چربی گھلانے کے لیے بہترین ہے

اس چربی کے نتیجے میں امراض قلب، ذیابیطس اور دیگر سنگین طبی مسائل کا خطرہ بڑھتا ہے۔

انہوں نے کہا کہ ذیابیطس کی روک تھام بہت ضروری ہے کیونکہ اس سے امراض قلب، گردوں کے امراض، کینسر اور دماغی تنزلی کا خطرہ بڑھتا ہے۔

ماضی میں بھی تحقیقی رپورٹس میں سرخ گوشت کے استعمال کو ذیابیطس سے منسلک کیا گیا ہے۔

اس نئی تحقیق میں شامل محققین نے سرخ گوشت کے استعمال اور ذیابیطس کے درمیان تعلق کی ممکنہ وجوہات پر بھی روشنی ڈالی۔

انہوں نے بتایا کہ سرخ گوشت میں چربی یا چکنائی کی مقدار کافی زیادہ ہوتی ہے جس سے انسولین کی حساسیت اور لبلبے کے خلیات کے افعال کم ہوتے ہیں۔

کینسر اور امراض قلب سے خود کو بچانا چاہتے ہیں؟

تیزی سے چلنے کی عادت کینسر یا امراض قلب سے موت کا خطرہ کم کرتی ہے۔

اسی طرح سرخ گوشت میں موجود آئرن سے انسولین کی مزاحمت اور تکسیدی تناؤ بڑھتا ہے جس سے خلیات کو نقصان پہنچتا ہے۔

محققین کے مطابق سرخ گوشت کا کم از کم استعمال کرنا اچھی صحت کے لیے ضروری ہے۔

اس تحقیق کے نتائج امریکن جرنل آف کلینیکل نیوٹریشن میں شائع ہوئے۔