کیا دودھ کے بغیر چائے پینے سے صحت کو کوئی فائدہ ہوتا ہے؟

ایک تخمینے کے مطابق دنیا بھر میں روزانہ چائے کے 3 ارب سے زیادہ کپ پیے جاتے ہیں۔

یہی وجہ ہے کہ چائے دنیا کے مقبول ترین مشروبات میں سے ایک ہے اور اس کا استعمال صدیوں سے ہو رہا ہے۔

چائے میں کیفین، فلورائیڈ اور فلیونولز سمیت متعدد غذائی اجزا موجود ہوتے ہیں جو صحت کو فائدہ پہنچاتے ہیں۔

مگر کیا دودھ کے بغیر چائے یا سیاہ چائے (قہوہ) پینے سے صحت کو فائدہ ہوتا ہے یا نہیں؟

روزانہ گھر سے باہر چند منٹ کی چہل قدمی کے 7 حیران کن فوائد

گھر سے باہر بہت کم وقت گزارنے سے بھی جسم اور ذہن دونوں پر حیرت انگیز اثرات مرتب ہوتے ہیں۔

کیا سیاہ چائے پینا فائدہ مند ہوتا ہے؟

اس کا جواب ہاں ہے، دیگر اقسام کی طرح بغیر دودھ کی چائے پینے سے جسم کو اضافی اینٹی آکسائیڈنٹس ملتے ہیں۔

طبی ماہرین کے مطابق چائے میں پولی فینولز نامی مرکبات موجود ہوتے ہیں جو اینٹی آکسائیڈنٹس خصوصیات سے لیس ہوتے ہیں۔

تحقیقی رپورٹس میں دریافت کیا گیا کہ چائے میں موجود اینٹی آکسائیڈنٹس سے مختلف امراض جیسے دل کی شریانوں کے امراض اور ذیابیطس سے بچنے میں مدد ملتی ہے۔

بظاہر معمولی نظر آنے والی پیٹرولیم جیلی کے یہ دنگ کر دینے والے فائدے جانتے ہیں؟

مگر بظاہر یہ عام سی نظر آنے والی چیز اتنی کارآمد ہوتی ہے کہ آپ نے کبھی تصور بھی نہیں کیا ہوگا۔

اس کے ساتھ ساتھ یہ اینٹی آکسائیڈنٹس عمر بڑھنے سے آنے والی جسمانی تنزلی سے بھی تحفظ فراہم کرتے ہیں۔

سیاہ چائے کے فوائد

سیاہ چائے پینے کی عادت سے صحت کو متعدد فوائد ہوتے ہیں۔

ایک تحقیق میں دریافت کیا گیا کہ سیاہ چائے کو پینے سے کسی بھی وجہ سے قبل از وقت موت کا خطرہ کم ہوتا ہے۔

موسمی بیماریوں سے پریشان رہتے ہیں؟ تو ان غذاؤں سے مدافعتی نظام مضبوط بنائیں

پورے سال بیماریوں سے تحفظ کے لیے مدافعتی نظام کو مضبوط بنانا ضروری ہوتا ہے۔

چائے میں موجود اینٹی آکسائیڈنٹس جسم میں گردش کرنے والے نقصان دہ مواد کے اثرات سے خلیات کو تحفظ فراہم کرتے ہیں جس سے متعدد امراض سے بچنا ممکن ہوتا ہے۔

چائے میں موجود اجزا سے معدے کی صحت کو بھی فائدہ ہوتا ہے۔

کچھ تحقیق رپورٹس میں دریافت کیا گیا کہ سیاہ چائے پینے کی عادت کینسر کی مخصوص اقسام سے بھی تحفظ فراہم کرسکتی ہے۔

ایسے بھی شواہد موجود ہیں جن سے عندیہ ملتا ہے کہ اس چائے کو پینے سے کھانے کے بعد بڑھنے والے بلڈ شوگر لیول میں کمی آتی ہے۔

جسمانی وزن میں کمی لانے کے لیے بہترین غذائیں

چند عام غذاؤں کا استعمال کرکے آپ جسمانی وزن میں کمی لانے میں کامیاب ہوسکتے ہیں۔

سیاہ چائے میں theanine نامی جز بھی ہوتا ہے جو تناؤ میں کمی لاتا ہے جبکہ مزاج پر خوشگوار اثرات مرتب ہوتے ہیں۔

مختلف تحقیقی رپورٹس میں بتایا گیا کہ سیاہ چائے پینے سے صحت کے لیے نقصان دہ کولیسٹرول کی سطح میں بھی کمی آتی ہے، جس سے امراض قلب سے بچنے میں مدد ملتی ہے۔

کیا سیاہ چائے میں کیفین موجود ہوتی ہے؟

سیاہ چائے میں کافی کے مقابلے میں کیفین کی مقدار کم ہوتی ہے اور ایک کپ میں 47 ملی گرام کیفین موجود ہوتی ہے۔

اکثر آدھی رات کو اچانک نیند سے بیدار ہو جاتے ہیں؟ تو اس کی وجوہات جانیں

ایسا دنیا بھر میں متعدد افراد کے ساتھ ہوتا ہے۔

طبی ماہرین کا کہنا ہے کہ روزانہ 300 ملی گرام کیفین سے زیادہ استعمال کرنے سے گریز کرنا چاہیے۔

کیفین کے زیادہ استعمال سے سردرد، بے خوابی، انزائٹی، چڑچڑے پن، دل کی دھڑکن کی رفتار بڑھنے اور مسلز میں تکلیف جیسے مسائل کا سامنا ہو سکتا ہے۔

تو کتنے کپ چائے پینا بہتر ہوتا ہے؟

مختلف تحقیقی رپورٹس میں اس سوال کا جائزہ لیا گیا۔

2024 میں دماغ کو صحت مند رکھنے میں مددگار آسان عادات

اگر 2024 میں دماغی صحت کو بہتر بنانے کا ارادہ رکھتے ہیں تو یہ بہت زیادہ مشکل بھی نہیں۔

کچھ رپورٹس میں روزانہ 2 سے 4 کپ چائے پینا محفوظ قرار دیا گیا جبکہ کچھ میں دعویٰ کیا گیا کہ 10 کپ روزانہ چائے پینے سے صحت کو نقصان نہیں ہوتا۔

تاہم طبی ماہرین کا کہنا ہے کہ 3 سے 5 کپ روزانہ چائے پینا بیشتر افراد کے لیے محفوظ ہوتا ہے۔

اس سے زیادہ مقدار کے استعمال سے منفی اثرات کا سامنا ہوسکتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔