جسمانی وزن میں کمی لانے کے لیے بہترین غذائیں

جسمانی وزن میں اضافہ تو کسی بھی فرد کو پسند نہیں ہوتا بالخصوص اگر پیٹ باہر نکلنا شروع ہوجائے۔

موٹاپا دنیا بھر میں وبا کی طرح پھیل رہا ہے جو متعدد دائمی امراض بشمول ذیابیطس، کینسر اور دیگر کا خطرہ بھی بڑھاتا ہے۔

درحقیقت دنیا بھر میں جوان افراد میں موٹاپا عام ہوتا جا رہا ہے۔

مگر اچھی بات یہ ہے کہ چند عام غذاؤں کا استعمال کرکے آپ جسمانی وزن میں کمی لانے میں کامیاب ہوسکتے ہیں۔

اکثر آدھی رات کو اچانک نیند سے بیدار ہو جاتے ہیں؟ تو اس کی وجوہات جانیں

ایسا دنیا بھر میں متعدد افراد کے ساتھ ہوتا ہے۔

بیج اور دالیں

چنے، لوبیا یا دالوں میں پروٹین کی مقدار کافی زیادہ ہوتی ہے۔

ان میں فائبر کی مقدار بھی کافی زیادہ ہوتی ہے جس سے غذا سست روی سے ہضم ہوتی ہے اور  پیٹ بھرنے کا احساس زیادہ دیر تک برقرار رہتا ہے۔

جب پیٹ بھرنے کا احساس دیر تک برقرار رہتا ہے تو بے وقت کھانے کی عادت سے بچنے میں مدد ملتی ہے اور جسمانی وزن میں کمی لانا آسان ہو جاتا ہے۔

2024 میں دماغ کو صحت مند رکھنے میں مددگار آسان عادات

اگر 2024 میں دماغی صحت کو بہتر بنانے کا ارادہ رکھتے ہیں تو یہ بہت زیادہ مشکل بھی نہیں۔

سوپ

کھانے کا آغاز سوپ سے کیا جائے تو کم غذا جزو بدن بنانے میں مدد ملتی ہے۔

کم کیلوریز کے استعمال سے جسمانی وزن میں کمی لانا ممکن ہو جاتا ہے۔

یخنی یا سوپ سے صحت کو بھی فائدہ ہوتا ہے اور موسمی نزلہ زکام سے بچنے میں مدد ملتی ہے۔

اچھی صحت کے لیے چہل قدمی کرنے کا بہترین وقت کونسا ہوتا ہے؟

روزانہ کے معمولات میں چہل قدمی کو شامل کرکے متعدد امراض سے متاثر ہونے کا خطرہ کم کیا جا سکتا ہے۔

ڈارک چاکلیٹ

روزانہ کچھ مقدار میں ڈارک چاکلیٹ کا استعمال بھی جسمانی وزن میں کمی لانے کے لیے مفید ثابت ہو سکتا ہے۔

ایک تحقیق میں دریافت کیا گیا کہ ڈارک چاکلیٹ کھانے والے افراد چند گھنٹے بعد جنک فوڈ کے استعمال سے گریز کرتے ہیں۔

دہی

دہی میں پروٹین کی مقدار کافی زیادہ ہوتی ہے۔

اس موسم کی سوغات کینو روزانہ کھانے کے بہترین فوائد جان لیں

موسم سرما کی اس سوغات میں متعدد ایسے غذائی اجزا موجود ہوتے ہیں جو صحت کے لیے مفید ہوتے ہیں۔

اگر آپ ناشتے میں دہی کھاتے ہیں تو دن بھر بے وقت کھانے سے بچنے میں مدد مل سکتی ہے کیونکہ پروٹین کھانے کی اشتہا کم کرتا ہے۔

ایک تحقیق میں دریافت کیا گیا کہ دن کا آغاز پروٹین سے بھرپور غذا سے کرنے سے پیٹ بھرنے کا احساس دیر تک برقرار رہتا ہے اور رات کو زیادہ چکنائی یا چینی سے بھرپور غذاؤں کو کھانے کی خواہش کم ہوتی ہے۔

بس یہ خیال رکھیں کہ دہی میں چینی کو شامل نہ کریں۔

سرد موسم میں جِلد کو خشک ہونے سے بچانے میں مددگار غذائیں

مخصوص غذائیں جلد کی صحت کے لیے فائدہ مند ثابت ہوتی ہیں اور نمی کو برقرار رکھتی ہیں۔

گریاں

بادام، اخروٹ یا مونگ پھلی جیسی گریوں کی کچھ مقدار کا روزانہ استعمال بھی جسمانی وزن میں کمی لانے میں مدد فراہم کرتا ہے۔

تحقیقی رپورٹس سے ثابت ہوا ہے کہ گریاں کھانے کے عادی افراد غذا کی کم مقدار کو جزوبدن بناتے ہیں۔

سیب

سیب کھانے کی عادت بھی موٹاپے سے نجات کے لیے بہترین ثابت ہوسکتی ہے۔

پیروں میں جلن کا باعث بننے والی وجوہات

جلن کی یہ شدت معمولی سے زیادہ بھی ہو سکتی ہے اور عموماً رات کو یہ احساس زیادہ بدتر ہوتا ہے۔

سیب کھانے سے بے وقت بھوک محسوس نہیں ہوتی۔

اسی طرح سیب میں فائبر جیسا غذائی جز بھی موجود ہوتا ہے جس سے پیٹ بھرنے کا احساس دیر تک برقرار رہتا ہے۔

گریپ فروٹ

گریپ فروٹ کھانے سے بھی جسمانی وزن میں کمی لانے میں مدد ملتی ہے۔

9 عام عادات یا چیزیں جن سے گردوں کے امراض کا خطرہ بڑھتا ہے

دنیا بھر میں ہر 10 میں سے ایک فرد کو گردوں کے دائمی امراض کا سامنا ہوتا ہے ۔

ایک تحقیق میں دریافت کیا گیا کہ دن یا رات کو کھانے سے قبل آدھا گریپ فروٹ کھانے سے 12 ہفتوں میں جسمانی وزن میں 2 کلو کے قریب کمی آتی ہے۔

البتہ گریپ فروٹ کے جوس سے یہ فائدہ نہیں ہوتا اور اگر آپ ادویات استعمال کر رہے ہیں تو اس پھل کو ڈاکٹر کے مشورے سے ہی استعمال کریں۔

کیلے

کیلوں میں موجود فائبر سے جسمانی وزن میں کمی لانے میں بھی مدد مل سکتی ہے کیونکہ اس سے پیٹ بھرنے کا احساس دیر تک برقرار رہتا ہے اور بے وقت کچھ کھانے کی خواہش نہیں ہوتی۔

انزائٹی جیسے مرض کی شدت بدترین بنانے والی غذائیں

انزائٹی پر توجہ نہ دی جائے تو اس سے معیار زندگی بہت بری طرح متاثر ہوسکتا ہے ۔

البتہ اس پھل کی بہت زیادہ مقدار کھانے سے گریز کرنا چاہیے کیونکہ اس میں کاربوہائیڈریٹس کی مقدار زیادہ ہوتی ہے جو جسمانی وزن میں اضافے کا باعث بن سکتی ہے۔

سبز چائے

سبز چائے پینے سے بھی جسمانی وزن میں کمی لانا ممکن ہے۔

تحقیقی رپورٹس کے مطابق اس مشروب سے جسم کے اندر کیلوریز جلانے والا انجن متحرک ہوتا ہے جس سے جسمانی وزن میں کمی لانا آسان ہوجاتا ہے۔

دماغ کو جوان رکھنے میں مددگار بہترین مشروبات

ان مشروبات کے بارے میں جانیں جو دماغ کے لیے بہت زیادہ مفید ہوتے ہیں۔

پانی سے مدد لیں

پانی پینے سے کیلوریز جلنے کی تعداد بڑھتی ہے ، اگر آپ کو علم نہ ہو تو جان لیں کہ کیلوریز کو جسم توانائی کے طور پر استعمال کرتا ہے۔

تحقیقی رپورٹس کے مطابق آدھا لیٹر پانی پینا اضافی 23 کیلوریز جلاتا ہے اور سالانہ بنیادوں پر یہ تعداد 17 ہزار کیلوریز بن جاتی ہے یا یوں کہہ لیں کہ 2 کلو گرام چربی۔

تحقیقی رپورٹس سے ثابت ہوتا ہے کہ ہر بار کھانے سے قبل پانی پینا آئندہ 12 ہفتوں میں جسمانی وزن میں 2 کلوگرام تک کمی لاسکتا ہے کیونکہ ایسا کرنے سے کھانے کی خواہش کم ہوتی ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔