ذیابیطس سے تحفظ کیساتھ ہڈیوں، جوڑوں اور دل کو صحت مند بنانے کیلئے بہترین غذا

2024 میں خود کو زیادہ صحت مند بنانا چاہتے ہیں تو ایک مخصوص غذا کا استعمال عادت بنالیں۔

بحیرہ روم کے خطے کے رہائشیوں کی غذا کو 2024 کے لیے بہترین صحت بخش غذا قرار دیا گیا ہے۔

یو ایس نیوز اینڈ ورلڈ رپورٹ کی جانب سے 2024 کے لیے بہترین غذاؤں کی فہرست جاری کی گئی اور مسلسل 7 ویں سال Mediterranean ڈائٹ کو بہترین قرار دیا گیا۔

اسپین، یونان، اٹلی اور فرانس جیسے ممالک کے شہریوں کی یہ عام غذا پھلوں، سبزیوں، اجناس، گریوں، مچھلی، زیتون کے تیل وغیرہ پر مشتمل ہوتی ہے (سرخ گوشت کا استعمال بہت کم کیا جاتا ہے)۔

جسمانی وزن میں کمی لانے کے لیے بہترین غذائیں

چند عام غذاؤں کا استعمال کرکے آپ جسمانی وزن میں کمی لانے میں کامیاب ہوسکتے ہیں۔

رپورٹ کے مطابق یہ ذیابیطس سے تحفظ، ہڈیوں اور جوڑوں سمیت دل کو صحت مند رکھنے کے لیے بہترین غذا ہوتی ہے۔

30 غذائی پلان کو مدنظر رکھتے ہوئے اس غذا کو نمبرون قرار دیا گیا۔

دوسرے نمبر پر ڈیش ڈائٹ رہی جو بنیادی طور پر فشار خون سے مقابلے کے لیے بہترین سمجھی جاتی ہے۔

ڈیش ڈائٹ میں پھلوں، سبزیوں اور اناج کے ساتھ دودھ سے بنی کم چکنائی والی مصنوعات کا زیادہ استعمال کیا جاتا ہے۔

اکثر آدھی رات کو اچانک نیند سے بیدار ہو جاتے ہیں؟ تو اس کی وجوہات جانیں

ایسا دنیا بھر میں متعدد افراد کے ساتھ ہوتا ہے۔

تیسرا نمبر مائنڈ ڈائٹ کے حصے میں آیا جو Mediterranean اور ڈیش ڈائٹس کا امتزاج ہے۔

تو بحیرہ روم کے خطے کی غذا کئی برسوں سے بہترین کیوں قرار دی جارہی ہے؟ اس کی چند وجوہات درج ذیل ہیں۔

بھوک کو کنٹرول کرتی ہے

یہ غذا سست روی سے ہضم ہوتی ہے جس کے باعث پیٹ بھرنے کا احساس زیادہ وقت تک برقرار رہتا ہے۔

2024 میں دماغ کو صحت مند رکھنے میں مددگار آسان عادات

اگر 2024 میں دماغی صحت کو بہتر بنانے کا ارادہ رکھتے ہیں تو یہ بہت زیادہ مشکل بھی نہیں۔

جسمانی وزن میں کمی

اگر آپ اس غذا کا استعمال عادت بنالیتے ہیں تو پیٹ بھرنے کا احساس زیادہ وقت تک برقرار رہتا ہے اور بے وقت کچھ کھانے کی ضرورت نہیں رہتی، اس کے نتیجے میں جسمانی وزن میں بتدریج کمی آتی ہے۔

دل کی صحت بھی بہتر ہوتی ہے

اس غذا میں شامل تمام چیزیں دل کی صحت کے لیے مفید ہوتی ہیں۔

زیتون کا تیل اور گریاں نقصان دہ کولیسٹرول کی سطح کم کرنے کے لیے فائدہ مند ہیں۔

اس موسم کی سوغات کینو روزانہ کھانے کے بہترین فوائد جان لیں

موسم سرما کی اس سوغات میں متعدد ایسے غذائی اجزا موجود ہوتے ہیں جو صحت کے لیے مفید ہوتے ہیں۔

پھلوں، سبزیوں اور بیجوں سے شریانوں کی صحت بہتر ہوتی ہے جبکہ مچھلی بلڈ پریشر کی سطح کم کرتی ہے۔

ان سب کے نتیجے میں امراض قلب میں مبتلا ہونے کا خطرہ کم ہوتا ہے۔

دماغی صحت

دل کے ساتھ ساتھ یہ غذا دماغ کے لیے بھی مفید ہے۔

سرد موسم میں جِلد کو خشک ہونے سے بچانے میں مددگار غذائیں

مخصوص غذائیں جلد کی صحت کے لیے فائدہ مند ثابت ہوتی ہیں اور نمی کو برقرار رکھتی ہیں۔

نقصان دہ چکنائی اور پراسیس غذاؤں سے ورم کا خطرہ بڑھتا ہے  جس سے دماغی تنزلی کا سامنا ہوتا ہے۔

اس کے مقابلے میں اینٹی آکسائیڈنٹس سے بھرپور یہ غذائی پلان عمر بڑھنے کے باوجود دماغی افعال کو درست رکھتا ہے۔

ذیابیطس اور بلڈ شوگر سے تحفظ

چونکہ اس غذا میں پھلوں، سبزیوں اور صحت کے لیے مفید چکنائی پر زیادہ توجہ دی جاتی ہے تو یہ بلڈ شوگر کو صحت مند سطح پر رکھنے کے لیے مفید ثابت ہوتی ہے۔

اس طرح ذیابیطس کے شکار ہونے کا خطرہ کم ہوتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔