26 جنوری ، 2024 
’ایک کام بتائیں جو علاقے میں کروایا ہو‘، کارکن کے سوال پراسد قیصر غصے میں آگئے
26 جنوری ، 2024
پاکستان تحریک انصاف کے رہنما اسد قیصر جلسے میں کارکنوں کے سوال کرنے پر غصے میں آگئے اور واقعے کی ویڈیو بھی سوشل میڈیا پر وائرل ہوگئی۔
صوابی میں انتخابی جلسے کے دوران کارکنوں نے اسدقیصر کو کھری کھری سنادی جس پر انہیں غصہ آگیا۔
سابق سپیکر کی انتخابی جلسے کے دوران کی ویڈیو سوشل میڈیا پر وائرل ہوگئی۔
ویڈیو میں کارکنان اسد قیصر سے سوال کر رہے ہیں کہ آپ ایک کام بتائیں جو ہمارے علاقے میں کروایا ہو۔
اس پر اسد قیصر غصے میں آگئے اور کارکنوں کو جواب دیتے ہوئے کہا کہ ووٹ جس کو دینا ہے دیں لیکن بات سلیقے سے کریں۔
انہوں نے کہا کہ انتخابات میں کامیابی کے بعد علاقے کے مسائل حل کرونگا۔
پی ٹی آئی رہنما کی مسائل حل کرنے کی یقین دہانی پر ایک کارکن نے ’جھوٹ ہے جھوٹ ہے‘ کا نعرہ بھی لگایا۔
