01 فروری ، 2024 
پاکستان
عام انتخابات: کے پی پولیس نے سکیورٹی کیلئے موبائل ایپ تیار کرلی
01 فروری ، 2024
پشاور: خیبرپختونخوا پولیس نے عام انتخابات کی سکیورٹی کے حوالے سے ایپ تیار کرلی۔
جیونیوز سے گفتگو کرتے ہوئے ڈی آئی جی آئی ٹی عرفان طارق نے بتایا کہ الیکشن کے حوالے سے موبائل ایپ تیار کرلی ہے جس کے ذریعے سی پی او ، ڈی پی او، آر پی او آفس میں انتخابات کے روز تمام مانیٹرنگ ہو گی۔
عرفان طارق نے کہا کہ ایپ میں پورے صوبے کی میپنگ مکمل کرلی گئی ہے، ایپ میں ایمرجنسی الرٹ، گو آن لائن، نوٹیفکیشن الرٹ اور صحت سہولتوں سمیت مختلف فیچرز شامل ہیں۔
اس کے علاوہ ایپ میں آڈیو اور ویڈیو کال کا فیچر بھی شامل ہے، صوبے کے 137 ہاٹ اسپاٹ پر پولیس اہلکارباڈی کیم استعمال کریں گے۔
