این اے 15 مانسہرہ، شہزادہ گشتاسپ کی کامیابی کا نوٹیفکیشن جاری

الیکشن کمیشن آف پاکستان نے  این اے 15 مانسہرہ سے پی ٹی آئی کے حمایت یافتہ آزاد امیدوار  شہزادہ گشتاسپ کی کامیابی کا نوٹیفکیشن جاری کر دیا۔

 گزشتہ روز ریٹرننگ افسر نے قومی اسمبلی کے حلقہ این اے 15 کا فارم 49 جاری کر دیا گیا تھا۔

این اے 15 مانسہرہ کا فارم 49 جاری، نواز شریف کو شکست، گشتاسپ خان کامیاب قرار

گشتاسپ خان نے ایک لاکھ5 ہزار 259 ووٹ حاصل کیے اور نوازشریف 80413 ووٹ لیکر دوسرے نمبر پر رہے

ریٹرننگ افسران کی جانب سے جاری فارم 49 کے مطابق مسلم لیگ (ن) کے قائد نواز شریف کو آزاد امیدوار شہزادہ گشتاسپ خان نے شکست دی،  گشتاسپ خان نے ایک لاکھ5 ہزار 259 ووٹ حاصل کیے اور نوازشریف 80413 ووٹ لیکر دوسرے نمبر پر رہے۔

واضح رہے کہ سابق وزیراعظم نواز شریف نے قومی اسمبلی کے حلقہ این اے 15 مانسہرہ کا انتخابی نتیجہ چیلنج کیا تھا جب کہ انتخابی عذر داری کیس میں ان کی درخواست بھی مسترد کر دی تھی جس میں انہوں نے حلقے میں ری الیکشن کی استدعا کی تھی۔