22 مارچ ، 2024
مکہ مکرمہ میں تیز رفتار گاڑی ڈرائیور کے قابو سے باہر ہو کر مسجد کے باہر افطار دستر خوان پر بیٹھے افراد پر چڑھ گئی، واقعے میں ایک شخص جاں بحق جبکہ 21 افراد زخمی ہوگئے۔
عرب میڈیا کے مطابق حادثہ مغرب کی اذان سے کچھ دیر قبل پیش آیا جب روزہ دار افطار کیلئے مسجد کے باہر دستر خوان پر بیٹھے تھے۔
رپورٹ کے مطابق حادثے کی اطلاع ملتے ہی شہری دفاع اور ہلال احمر کے امدادی رضاکار جائے وقوعہ پر پہنچے اور فوری طورپر زخمیوں کو طبی امداد فراہم کی جبکہ شدید زخمیوں کو ایمبولینسوں کے ذریعے اسپتال منتقل کیا گیا۔
عرب میڈیا کے مطابق متعلقہ ادارے حادثے سے متعلق مزید تحقیقات کر رہے ہیں۔