24 مارچ ، 2024
سعودی وزیر دفاع شہزادہ خالد بن سلمان بن عبدالعزیز آل سعود نے اسلام آباد میں صدر مملکت آصف علی زرداری اور وزیراعظم پاکستان شہباز شریف سے ملاقاتیں کی ہے۔
ملاقات میں صدر مملکت نے شہزادہ خالد بن سلمان کے دفاعی تعلقات کے فروغ میں کردار کو سراہا۔
شہزادہ خالدبن سلمان بن عبدالعزیز نے وزیراعظم شہبازشریف سے بھی ملاقات کی، ملاقات میں وزیردفاع خواجہ آصف اور آرمی چیف جنرل عاصم منیر بھی موجود تھے۔
ملاقاتوں میں علاقائی امن و سلامتی اور خطے کی سکیورٹی صورت حال پر تبادلہ خیال کیا گیا جبکہ دونوں ممالک کےدرمیان دفاع اور سکیورٹی کے شعبے میں تعاون بڑھانے کے حوالے سے بھی بات چیت کی گئی ہے۔
اس موقع پر وزیراعظم شہبازشریف کا کہنا تھا کہ میرے پچھلے دور میں سعودی عرب نے پاکستان کی معاشی صورتحال میں بہتری کیلئے کلیدی کردار ادا کیا ہے۔
وزیراعظم نے پاکستان کے سب سے بڑا سول ایوارڈ نشان پاکستان ملنے پر سعودی وزیر دفاع کو مبارکباد بھی پیش کی۔
سعودی وزیردفاع نے بھی یوم پاکستان کی پریڈ میں بطور مہمان خصوصی مدعو کرنے پر پاکستان کا شکریہ ادا کیا۔