09 مئی ، 2024
گندم درآمد اسکینڈل سے متعلق تحقیقاتی رپورٹ اب تک وزیراعظم شہباز شریف کو پیش نہ کی جاسکی۔
کابینہ اجلاس کے بعد تحقیقاتی کمیٹی کے سربراہ کامران علی افضل نے کہا کہ ٹرمز آف ریفرنس میں اضافے کے باعث رپورٹ بنانے کےلیے مزید وقت چاہیے، رپورٹ کب جمع ہوگی فی الحال نہیں بتاسکتا۔
کامران علی افضل نے سابق نگران وزیر اعظم کو تحقیقات کے لیے بلانے کی خبروں کی ایک بار پھر تردید کی اور اسے افواہ قرار دیا۔
واضح رہے کہ وزیراعظم شہاز شریف نے گزشتہ ہفتے گندم اسکینڈل کی تحقیقاتی رپورٹ 6 مئی تک جمع کروانے کی ہدایت کی تھی۔