ذیابیطس جیسے مرض کا شکار بنانے والی ایک اہم وجہ دریافت

دنیا بھر میں ذیابیطس ٹائپ 2 کا مرض وبا کی طرح پھیل رہا ہے اور اب اس کی ایک بڑی وجہ دریافت ہوئی ہے۔

آدھی رات کو کمرہ روشن کرنے کے لیے جلائے جانے والے بلب یا اسمارٹ فون سے خارج ہونے والی روشنی جسم کی اندرونی گھڑی کے افعال متاثر کرتی ہے۔

آدھی رات کے وقت مصنوعی روشنی کی زد میں رہنے والے افراد میں ذیابیطس ٹائپ 2 کا خطرہ بڑھ جاتا ہے۔

یہ بات آسٹریلیا میں ہونے والی ایک طبی تحقیق میں سامنے آئی۔

موٹاپے اور ذیابیطس جیسے دائمی امراض سے بچنے کا آسان نسخہ

زیتون کے تیل کا استعمال عادت بنا کر آپ ذیابیطس ٹائپ 2 اور موٹاپے سے خود کو محفوظ رکھ سکتے ہیں۔

موناش یونیورسٹی کی تحقیق میں 40 سے 69 سال کی عمر کے افراد کو شامل کیا گیا تھا۔

افراد کی کلائیوں پر ڈیوائسز پہنا کر ان کا جائزہ ایک ہفتے تک لیا گیا تاکہ معلوم ہوسکے کہ مختلف اوقات میں روشنی کی زد میں رہنے سے کیا اثرات مرتب ہوتے ہیں۔

ان افراد کی صحت کا جائزہ 9 سال تک لیا گیا۔

تحقیق کے مطابق جن افراد میں اس عرصے کے دوران ذیابیطس ٹائپ 2 کی تشخیص ہوئی، وہ رات ساڑھے 12 بجے سے صبح بجے تک مصنوعی روشنیوں کا استعمال زیادہ کرتے تھے۔

تحقیق میں مصنوعی روشنیوں سے ذیابیطس ٹائپ 2 کے شکار ہونے کی وجہ کو ثابت نہیں کیا گیا، مگر دونوں کے درمیان تعلق ضرور سامنے آیا۔

دنیا بھر میں ڈپریشن جیسے مرض کے تیزی سے پھیلنے کی اہم وجہ دریافت

ڈپریشن کے شکار افراد کو دماغی اور جسمانی دونوں طرح کے مسائل کا سامنا ہوتا ہے۔

تحقیق میں بتایا گیا کہ آدھی رات کے بعد مصنوعی روشنیوں میں زیادہ رہنے والے افراد ذیابیطس ٹائپ 2 سے متاثر ہونے کا خطرہ 67 فیصد تک بڑھ جاتا ہے۔

تحقیق میں خیال ظاہر کیا گیا کہ مصنوعی روشنیوں سے رات کو سونا مشکل ہو جاتا ہے جس سے ذیابیطس کا خطرہ بڑھتا ہے۔

محققین کے مطابق آدھی رات کے بعد مصنوعی روشنیوں سے دوری ذیابیطس ٹائپ 2 سے بچانے میں مددگار ثابت ہو سکتا ہے۔

اس تحقیق کے نتائج جرنل دی لانسیٹ ریجنل ہیلتھ یورپ میں شائع ہوئے۔

درمیانی عمر میں ان غذاؤں کا استعمال بڑھاپے میں اچھی جسمانی اور دماغی صحت کو یقینی بنائے

درمیانی عمر میں اچھی غذا کے استعمال سے بڑھاپے میں اچھی جسمانی اور دماغی صحت کا امکان بڑھ جاتا ہے۔

یہ پہلی تحقیق نہیں جس میں مصنوعی روشنیوں اور ذیابیطس کے خطرے میں تعلق دریافت کیا گیا۔

اس سے قبل نومبر 2022 میں چین میں ہونے والی ایک تحقیق میں بتایا گیا تھا کہ رات کو کسی ایسے کمرے میں سونا جہاں مصنوعی روشنی (بلب وغیرہ کی روشنی) پھیلی ہوئی ہو تو ذیابیطس سے متاثر ہونے کا خطرہ بڑھ جاتا ہے۔

ایک لاکھ کے قریب چینی شہریوں پر ہونے والی تحقیق میں دریافت کیا گیا کہ رات کو نیند کے دوران مصنوعی روشنیوں کی زد میں رہنے سے ذیابیطس سے متاثر ہونے کا خطرہ 28 فیصد تک بڑھ جاتا ہے۔

تحقیق کے مطابق آؤٹ ڈور آرٹی فیشل لائٹس اور ذیابیطس کے خطرے میں تعلق موجود ہے۔

اس تحقیق کے نتائج جریدے Diabetologia میں شائع ہوئے۔