02 اگست ، 2024 
پاکستان
بی ایم سی اسپتال میں نصب انجیو گرافی مشین 2021 سے خراب پڑی تھی/ فائل فوٹو
کوئٹہ: بولان میڈیکل اسپتال میں نصب انجیو گرافی مشین 3 سال بعد فعال
02 اگست ، 2024
کوئٹہ: بولان میڈیکل کمپلیکس اسپتال میں نصب انجیو گرافی مشین کو 3 سال بعد فعال کردیا گیا۔
کوئٹہ میں دل کے عارضے میں مبتلا مریضوں کے لیے اچھی خبر سامنے آئی ہے۔
اسپتال انتظامیہ کے مطابق بی ایم سی اسپتال کے کیتھ لیب میں نصب انجیو گرافی مشین 3 سال سے خراب تھی، مشین کے خراب اسپئیر پارٹس کی تبدیلی کے بعد اسے فعال کردیا گیا ہے۔
انتظامیہ کا بتانا ہےکہ اسپتال میں 3 سال بعد دل کے مریضوں کی انجیو گرافی شروع ہوگئی ہے، شعبہ امراض قلب میں دل کے بند شریانوں کے کیسز کو دیکھا جارہا ہے، بی ایم سی اسپتال میں نصب انجیو گرافی مشین 2021 سے خراب پڑی تھی۔
