29 ستمبر ، 2024 
پاکستان
وزیراعلیٰ کا بیان بچپنے اور ناتجربے کاری کا اظہار ہے: فضل الرحمان کا علی امین کے بیان پر تبصرہ
29 ستمبر ، 2024
جمعیت علمائے اسلام کے سربراہ مولانا فضل الرحمان نے وزیراعلیٰ خیبرپختونخوا علی امین گنڈاپور کے بیان پر ردعمل کا اظہار کیا ہے۔
پشاور میں پریس کانفرنس کے دوران علی امین گنڈا پور کے بیان پر تبصرے میں مولانا فضل الرحمان نے کہا کہ صوبے کے وزیراعلیٰ کا بیان ملک کیلئے ٹھیک نہیں۔
انہوں نے کہا کہ یہ بچپنے اور ناتجربے کاری کا اظہار ہے، وزیراعلیٰ کا لب و لہجہ بچپنے کے سواکچھ نہیں۔
ان کا مزید کہنا تھاکہ ایسے بیانات کی حمایت نہیں کرسکتا جو دو صوبوں یا کسی صوبے کو ریاست سے لڑائے۔
