09 مارچ ، 2025 
کھیل
بھارتی پروفیشنل کرکٹرز کیلئے شیڈول تیار کیا گیا ہے جس پر عمل درآمد کرنا ہوتا ہے، محمد شامی/فائل فوٹو
چیمپئنز ٹرافی: رمضان کے دوران میچز کھیلنے پر محمد شامی نے کیا جواب دیا؟
09 مارچ ، 2025
دبئی: بھارتی پیسر محمد شامی نے کہا ہے کہ رمضان کے دوران چمپئینز ٹرافی میں کھیل پر دھیان ہے، روزے کی قضا بعد میں کروں گا۔
چمپئینزٹرافی کے کامیاب فاسٹ بالر محمد شامی سے دبئی کرکٹ اسٹیڈیم میں صحافیوں نے جب رمضان المبارک میں روزوں سے متعلق پوچھا تو انھوں نے کہا کہ ملک کا معاملہ ہے، بھارتی پروفیشنل کرکٹرز کیلئے شیڈول تیار کیا گیا ہے جس پر عمل درآمد کرنا ہوتا ہے۔
انھوں نے قبول کیا کہ رمضان میں میچز کھیلنا مشکل ہوتا ہے مگر یہاں ملک کا سوال ہے اسی لئے پلیئرز کو کھانے اور نیند کو پورا کرنا ہوتا ہے اور ٹریننگ کے بعد بحالی کیلئے ہدایات پر عمل کرنا پڑتا ہے۔
یاد رہے محمد شامی نے سیمی فائنل میں آسٹریلیا کے خلاف 3 اہم وکٹس حاصل کی تھیں۔
