خواتین کے مقابلے میں مردوں میں نظام تنفس کے امراض کا خطرہ زیادہ کیوں ہوتا ہے؟

کیا آپ نے کبھی غور کیا کہ خواتین کے مقابلے میں مردوں میں نظام تنفس کے مختلف امراض کی شرح زیادہ ہوتی ہے۔

اب سائنسدانوں نے اس کی وجہ دریافت کرلی ہے۔

چینی سائنسدانوں نے دریافت کیا کہ مردوں اور خواتین کے نتھنوں میں موجود جرثوموں کا اسٹرکچر مختلف ہوتا ہے اور اسی وجہ سے مردوں میں نظام تنفس کے امراض کا خطرہ زیادہ ہوتا ہے۔

مردوں کے مقابلے میں خواتین کے نتھنوں میں موجود جرثومے صحت کے لیے زیادہ مفید ہوتے ہیں جس کے باعث انہیں سانس کی نالی کی بیماریوں سے لڑنے میں مدد ملتی ہے۔

نزلہ زکام سے بچنے کا آسان ترین طریقہ جسے کوئی بھی اپنا سکتا ہے

ایک آسان عادت اپنا کر آپ موسمی نزلہ زکام سے خود کو محفوظ رکھ سکتے ہیں۔

خواتین کے مقابلے میں ہر عمر کے مردوں کو نظام تنفس کے امراض کا سامنا ہوتا ہے اور عموماً ان کی شدت بھی زیادہ ہوتی ہے۔

اس کا مشاہدہ کووڈ 19 کی وبا میں ہوا۔

اس وبائی مرض سے خواتین کے مقابلے میں مردوں میں سنگین حد تک بیمار ہونے اور موت کا خطرہ زیادہ ہوتا ہے

تحقیق میں بتایا گیا کہ اگرچہ جنس کو متعدد امراض میں اہم عنصر سمجھا جاتا ہے مگر خواتین اور مردوں کے مدافعتی نظام کے درمیان فرق کو ابھی تک مکمل طور پر سمجھا نہیں جاسکا۔

جرنل جینوم بائیولوجی میں شائع اس تحقیق کے دوران 1600 صحت مند جوان افراد کی ناک اور نتھنوں میں پائے جانے والے جرثوموں کا تجزیہ کیا گیا تھا۔

سوشل میڈیا کے استعمال سے نوجوانوں پر کیا اثرات مرتب ہوتے ہیں؟

بالغ افراد کے مقابلے میں نوجوانوں کے مزاج پر سوشل میڈیا سے زیادہ اثرات مرتب ہوتے ہیں۔

یہ نمونے 2018 میں جمع کیے گئے تھے۔

تحقیق میں مردوں اور خواتین کے نتھنوں میں موجود مخصوص جرثوموں کے اجتماع اور افعال کو دریافت کیا گیا۔

محققین کے مطابق ہم نے مردوں کے مقابلے میں خواتین کے نتھنوں کے جرثوموں کو صحت کے لیے زیادہ مفید دریافت کیا۔

انہوں نے بتایا کہ نتائج سے واضح ہوتا ہے کہ ہماری ناک کے اندر بہت بڑی دنیا موجود ہے جسے ہم نے دریافت کیا۔

ہر عمر میں اچھی دماغی صحت کو یقینی بنانا بہت آسان

اچھی غذا کا استعمال، معیاری نیند اور ورزش کو معمول بنانے سے فالج، ڈیمینشیا یا ڈپریشن سے متاثر ہونے کا خطرہ گھٹ جاتا ہے۔

انہوں نے مزید بتایا کہ دیگر جانداروں کے مقابلے میں انسان اپنے اردگرد کے ماحول سے زیادہ متاثر ہوتے ہیں اور اس نئی دریافت سے نظام تنفس کے امراض سے لڑنے میں مدد ملے گی۔

ان کا کہنا تھا کہ جینیاتی سیکونسز میں جراثیم سے لڑنے والے مواد کے بننے کا مشاہدہ کیا جاسکتا ہے اور اس سے نئی اینٹی بائیوٹیکس ادویات تیار کرنے میں مدد ملے گی۔