10 نومبر ، 2024 
انٹرٹینمنٹ
سید فرقان حیدر رضوی گردوں کے عارضہ میں مبتلا تھے/ فائل فوٹو
معین اختر اور عمر شریف جیسے فنکاروں کو روشناس کرانے والے معروف پروڈیوسر فرقان حیدر انتقال کرگئے
10 نومبر ، 2024
ٹیکساس: معروف اسٹیج ڈرامہ پروڈیوسر سید فرقان حیدر رضوی امریکا میں انتقال کرگئے۔
سید فرقان حیدر رضوی کے انتقال کی تصدیق اہل خانہ کی جانب سے کی گئی ہے۔
اہل خانہ کے مطابق سید فرقان حیدر رضوی گردوں کے عارضے میں مبتلا تھے، سید فرقان حیدر کی نماز جنازہ آج ڈیلاس کے مومن سینٹر میں ادا کی جائے گی۔
سید فرقان حیدر نے اسٹیج ڈراموں کی دنیا میں معین اختر اور عمر شریف جیسے فنکاروں کو روشناس کرایا، ان کے ڈرامے ’بکرا قسطوں پر‘، 'مصیبت در مصیبت'، اور 'بچاؤ معین اختر' نے پاکستانی اسٹیج ڈراموں کو عالمی سطح پر پذیرائی دلائی۔
