دنیا بھر میں ذیابیطس کے شکار افراد کی تعداد 80 کروڑ جبکہ پاکستان میں 3 کروڑ 60 لاکھ تک پہنچ گئی، تحقیق

دنیا بھر میں گزشتہ 30 برسوں کے دوران ذیابیطس کے شکار افراد کی تعداد دوگنا اضافے سے 80 کروڑ سے زائد ہوگئی ہے اور پاکستان اس مرض سے متاثر چوتھا بڑا ملک ہے۔

یہ بات ایک نئی تحقیق میں سامنے آئی ہے۔

جرنل لانسیٹ میں شائع تحقیق میں بتایا گیا کہ 1990 سے 2022 کے دوران دنیا بھر میں بالغ افراد میں ذیایبطس کی شرح 7 سے بڑھ کر 14 فیصد ہوگئی، غریب اور متوسط آمدنی والے ممالک میں سب سے زیادہ اضافہ دیکھنے میں آیا۔

NCD-RisC کے سائنسدانوں نے عالمی ادارہ صحت کے ساتھ ملکر کام کیا اور مختلف ممالک میں 18 سال یا اس سے زائد عمر کے 14 کروڑ افراد پر ہونے والی ایک ہزار تحقیقی رپورٹس کے ڈیٹا کو استعمال کیا گیا۔

ذیابیطس جیسا دائمی مرض تیزی سے کیوں پھیل رہا ہے؟ اہم وجہ دریافت

رات کے وقت بہت زیادہ روشن لائٹس کے استعمال سے گریز کرنا چاہیے کیونکہ اس سے ذیابیطس ٹائپ 2 کا خطرہ بڑھتا ہے۔

انہوں نے مختلف ٹولز استعمال کرکے مختلف ممالک اور خطوں میں ذیابیطس کے پھیلاؤ اور علاج کا موازنہ کیا۔

ذیابیطس ایسا دائمی مرض ہے جس کے شکار افراد کا لبلبلہ مناسب مقدار میں انسولین تیار نہیں کرپاتا۔

ذیابیطس کو کنٹرول نہ کیا جائے تو بلڈ شوگر کی سطح میں مسلسل اضافہ ہوتا ہے جس سے جسم کے مختلف اعضا بالخصوص اعصاب اور خون کی شریانوں کو نقصان پہنچتا ہے۔

ذیابیطس ٹائپ 1 ایک آٹو امیون مرض ہے جس کے دوران جسم خود لبلبے کے ان خلیات کو تباہ کردیتا ہے جو انسولین تیار کرتے ہیں جبکہ ذیابیطس ٹائپ 2 میٹابولک عارضہ ہے جس کے دوران جسم انسولین کو درست طریقے سے استعمال نہیں کرپاتا۔

روزانہ کتنی ورزش کرنے سے ذیابیطس جسیے مرض سے بچنے میں مدد ملتی ہے؟

30 منٹ کی ایروبک ورزش سے بھی بلڈ گلوکوز کی سطح میں نمایاں کمی آتی ہے جبکہ انسولین کی حساسیت بہتر ہوتی ہے۔

ذیابیطس کے 95 فیصد سے زائد مریضوں میں ذیابیطس ٹائپ 2 کی تشخیص ہوتی ہے۔

ذیابیطس ٹائپ 1 کے برعکس ٹائپ 2 کی روک تھام ممکن ہے۔

زیادہ جسمانی وزن، ناقص غذائی عادات اور جسمانی سرگرمیوں سے دوری سمیت جینیاتی عناصر سے ذیابیطس ٹائپ 2 سے متاثر ہونے کا خطرہ بڑھتا ہے۔

تحقیق میں بتایا گیا کہ دنیا میں 50 فیصد سے زیادہ ذیابیطس کے مریض 4 ممالک میں سامنے آئے ہیں۔

ذیابیطس جیسے دائمی مرض کو خود سے ہمیشہ دور رکھنے کا آسان مزیدار نسخہ

اگر آپ خشک میوے کھانے کے عادی ہیں تو یہ عادت ذیابیطس ٹائپ 2 جیسے دائمی مرض سے متاثر ہونے کا خطرہ کم کر سکتی ہے۔

2022 میں ایک چوتھائی سے زیادہ (21 کروڑ 20 لاکھ) مریض بھارت میں رہائش پذیر تھے، 14 کروڑ 80 لاکھ چین، 4 کروڑ 20 لاکھ امریکا اور 3 کروڑ 60 لاکھ مریضوں کا تعلق پاکستان سے تھا۔

انڈونیشیا اور برازیل میں بالترتیب ڈھائی کروڑ اور 2 کروڑ 20 لاکھ کیسز کی تصدیق ہوچکی ہے۔

موٹاپے کی شرح اور معمر آبادی بڑھنے سے دنیا بھر میں ذیابیطس ٹائپ 2 کے پھیلاؤ کا خطرہ بھی بڑھ رہا ہے۔

محققین نے بتایا کہ معذوری اور دیگر سنگین اثرات کے باعث یہ ضروری ہے کہ صحت کے لیے مفید غذا اور ورزش کے ذریعے ذیابیطس کی روک تھام کی جائے۔

زیادہ میٹھا کھانے کی عادت آپ کو ذیابیطس کے علاوہ اس سنگین مرض کا شکار بناسکتی ہے

بہت زیادہ میٹھا کھانے کی عادت نہ صرف ذیابیطس ٹائپ 2 اور موٹاپے کا خطرہ بڑھاتی ہے بلکہ اس سے دماغی امراض سے متاثر ہونے کا خطرہ بھی بڑھ جاتا ہے۔

انہوں نے مزید بتایا کہ نتائج سے واضح ہوتا ہے کہ اس حوالے سے بہتر پالیسیوں کی ضرورت ہے خاص طور پر کم آمدنی والے ممالک میں صحت کے لیے نقصان دہ غذاؤں کا استعمال محدود کرنا چاہیے، مفید غذاؤں کی قیمتوں میں کمی لانی چاہیے اور ورزش کے مواقعوں کو بڑھانا چاہیے۔

تحقیق میں دریافت کیا گیا کہ بلڈ شوگر کی سطح میں کمی لانے والی مؤثر ادویات کی دستیابی کے باوجود مختلف ممالک کے رہائشیوں کو ان تک رسائی حاصل نہیں۔

یہی وجہ ہے کہ امیر ممالک میں تو علاج کی شرح میں نمایاں بہتری دیکھنے میں آئی ہے مگر متوسط اور غریب ممالک میں حالات بگڑ رہے ہیں۔

اس کے نتیجے میں 2022 میں 30 سال یا اسے زائد عمر کے 44 کروڑ 50 لاکھ ذیابیطس کے مریضوں کو علاج تک رسائی حاصل نہیں ہوئی۔

چینی سائنسدانوں نے ذیابیطس سے نجات دلانے والا علاج دریافت کرلیا

سائنسدانوں نے ذیابیطس کے ایک 59 مریض کو سیل تھراپی کے ذریعے اس دائمی مرض سے نجات دلانے میں کامیابی حاصل کی۔

علاج کی عدم دستیابی سے زندگی بھر کے لیے مختلف پیچیدگیوں بشمول امراض قلب، گردوں کے مسائل، بینائی سے محرومی اور دیگر کا خطرہ بڑھتا ہے۔

عالمی ادارہ صحت کے ڈائریکٹر جنرل ٹیڈروس اڈہانوم گیبریئس نے تحقیق کے نتائج کے حوالے سے کہا کہ ہم نے گزشتہ 3 دہائیوں کے دوران ذیابیطس کے کیسز کی شرح میں تشویشناک اضافہ دیکھا ہے اور ایسا موٹاپے، نقصان دہ غذاؤں کے استعمال اور جسمانی سرگرمیون سے دوری کے باعث ہوا۔

انہوں نے بتایا کہ عالمی سطح پر ذیابیطس کو کنٹرول کرنے کے لیے دنیا کو فوری اقدامات کرنا ہوں گے۔