20 دسمبر ، 2024 
مہمند کے قبائلی عمائدین کا علاقے سے طالبان کے خاتمے کا مطالبہ
20 دسمبر ، 2024
پشاور: مہمند کے قبائلی عمائدین نے حکومت سے مطالبہ کیا ہے کہ ان کے علاقے سے طالبان کا خاتمہ کیا جائے اور دیگر مسائل بھی حل کیے جائیں۔
امن و امان کی صورتحال پر ضلع مہمند کے عمائدین کا کمشنر ہاؤس میں جرگہ ہوا جس میں عمائدین نے کمشنر پشاور کو اپنے مسائل سے آگاہ کیا۔
عمائدین کا کہنا تھا مہمند میں سڑکیں خستہ حال ہیں لیکن مرمت کیلئے فنڈز نہیں ہیں، فاٹا انضمام کے بعد خاصہ دار کے مسائل تاحال حل نہیں ہوئے۔
جرگے میں شامل عمائدین کا کہنا تھا مہمند اور باجوڑ کے درمیان تنازعات کو حل کیا جائے، مہمند میں دہشتگردی سے تباہ مکانات کو بحال کریں اور معاوضہ دیں اور بجلی کی لوڈیشنگ کا مسئلہ بھی حل کیا جائے۔
عمائدین کا کہنا تھا ضلع مہمند میں طالبان دوبارہ آباد ہوئے، طالبان کی وجہ سے علاقے میں امن و امان کا مسئلہ پیدا ہوا ہے، قبائلی مشران کو سکیورٹی فراہم کی جائے اور ہمارے علاقوں سے طالبان کا خاتمہ کیا جائے۔
مزید خبریں :
ملک میں گیس کی دستیابی میں بڑی کمی ریکارڈ
4 گھنٹے پہلے
سندھ میں مرحوم ملازمین کی اولاد کیلئے کوٹہ ختم
6 گھنٹے پہلے
