30 جنوری ، 2025 
کراچی: امریکی خاتون نے نوجوان کے گھرکے باہر ڈیرے ڈال دیے، نوجوان کی تصویر بھی سامنے آگئی
30 جنوری ، 2025
نوجوان کی محبت میں کراچی آنے والی امریکی خاتون محبوب کے گھر پہنچ گئی جہاں گھر پر تالہ لگا دیکھ کر اس نے وہیں پر ڈیرے ڈال لیے۔
پولیس نے منت سماجت کرکے خاتون سے کہیں اور منتقل ہونے کی درخواست کی لیکن خاتون نے کہا کہ جب اس کا دل چاہے گا اپنے وطن واپس چلی جائے گی۔
ادھر لوگوں کی بڑی تعداد امریکی خاتون کو دیکھنے پہنچ گئی ہے اور خاتون کی عمارت میں موجودگی کے باعث رہائشی بھی پریشان ہیں۔
حکام کا کہنا ہے کہ امریکی خاتون پاکستان کے وزٹ ویزے پر ہے، اسے ائیر پورٹ سے باہر جانے کا مزید 15 روز کا پرمٹ دیا گیا ہے۔
اس سے قبل ائیرپورٹ پر امریکی قونصل خانے کی ٹیم نے بھی خاتون سے ملاقات کی تھی تاہم خاتون نے قونصل خانے کی مدد لینے سے انکار کر دیا تھا۔
یاد رہے کہ امریکی خاتون کراچی کے 19 سالہ لڑکے کی محبت میں 11 اکتوبر کو کراچی پہنچی، نوجوان راضی تھا مگر اس کی فیملی نے خاتون سے شادی کروانے سے انکار کر دیا جس کے بعد سے امریکی خاتون شہر قائد میں دربدر ہیں۔
