ناشتہ کرنے کی عادت کا ایک اور بہترین فائدہ سامنے آگیا

اگر آپ کو ناشتہ کرنا پسند نہیں تو یہ عادت صحت کے لیے نقصان دہ ثابت ہوسکتی ہے خاص طور پر دماغی صحت کے لیے۔

یہ بات چین میں ہونے والی ایک طبی تحقیق میں سامنے آئی۔

جرنل بی ایم سی میڈیسن میں شائع تحقیق میں بتایا گیا کہ ناشتہ دماغی صحت کو مستحکم رکھنے میں اہم کردار ادا کرتا ہے۔

خیال رہے کہ اکثر کہا جاتا ہے کہ ناشتہ دن کی سب سے اہم غذا ہے اور مختلف تحقیقی رپورٹس میں اسے درست ثابت بھی کیا گیا ہے۔

والدین کے اسمارٹ فونز کے استعمال سے بچوں پر کیا اثرات مرتب ہوتے ہیں؟ تحقیق کے نتائج جانیں

اگر والدین چاہتے ہیں کہ بچے اسکرینوں کے سامنے کم وقت گزاریں تو انہیں خود اسمارٹ فونز کے استعمال کو کم از کم کرنا ہوگا۔

اس نئی تحقیق میں بتایا گیا کہ زیادہ کیلوریز سے بھرپور ناشتہ کرنے سے ڈپریشن کو خود سے دور رکھنے میں مدد ملتی ہے، خاص طور پر امراض قلب کے شکار افراد کو زیادہ فائدہ ہوتا ہے۔

تحقیق میں بتایا گیا کہ امراض قلب کے شکار افراد میں صحت مند افراد کے مقابلے میں ڈپریشن سے متاثر ہونے کا خطرہ زیادہ ہوتا ہے۔

تحقیق کے مطابق یہی وجہ ہے کہ غذائی عناصر امراض قلب کے مریضوں کی دماغی صحت کے لیے بہت اہم ثابت ہوسکتے ہیں، خاص طور پر ڈپریشن سے بچانے کے لیے۔

اس تحقیق میں 32 ہزار کے قریب افراد کے ڈیٹا کی جانچ پڑتال کی گئی جو 2003 سے 2018 کے دوران یو ایس نیشنل ہیلتھ اینڈ نیوٹریشنل سروے کے دوران اکٹھا کیا گیا تھا۔

جسمانی وزن کو بڑھنے سے روکنے کا آسان اور بہترین طریقہ

ورزش کو عادت بنانے سے کھانے کی اشتہا گھٹ جاتی ہے جس سے جسمانی وزن کو کنٹرول میں رکھنا آسان ہو جاتا ہے۔

اس سروے میں شامل 66 سال یا اسے زائد عمر کے 3500 افراد امراض قلب کے شکار تھے جبکہ ان میں سے 554 میں ڈپریشن کی تشخیص بھی ہوئی تھی۔

ان افراد نے یہ بھی بتایا تھا کہ وہ دن بھر میں کیا غذا کھانے کے عادی ہیں۔

نتائج سے معلوم ہوا کہ جو افراد دن بھر کی زیادہ تر کیلوریز (791 کیلوریز اوسطاً) ناشتے سے حاصل کرتے ہیں، ان میں ڈپریشن کا خطرہ ناشتہ نہ کرنے والوں کے مقابلے میں 30 فیصد تک کم ہوتا ہے۔

انزائٹی جیسے عام مرض سے لوگوں پر مرتب ہونے والے حیرت انگیز اثر کا انکشاف

انزائٹی بنیادی طور پر شدید گھبراہٹ، فکرمندی، پریشانی اور ڈر کو کہا جاتا ہے۔

تحقیق میں مزید بتایا گیا کہ دوپہر یا رات کے کھانے کی 5 فیصد کیلوریز کو ناشتے میں منتقل کرنے سے بھی ڈپریشن سے متاثر ہونے کا خطرہ مزید 5 فیصد تک گھٹ جاتا ہے۔

تحقیق میں یہ بھی دریافت کیا گیا کہ پروٹین یا کاربوہائیڈریٹس سمیت دیگر غذائی اجزا ڈپریشن کے خطرے پر اثرانداز نہیں ہوتے یا آسان الفاظ میں ناشتے میں کچھ بھی کھانا دماغی صحت کے لیے مفید ہے۔