وہ آسان عادت جسے اپنا کر آپ ذیابیطس جیسے دائمی مرض کو خود سے دور رکھ سکتے ہیں

ذیابیطس ٹائپ 2 وہ عام ترین دائمی مرض ہے جس سے صرف پاکستان میں ہی کروڑوں افراد متاثر ہیں۔

کچھ افراد میں جینز یا خاندانی تاریخ کے باعث ذیابیطس ٹائپ 2 سے متاثر ہونے کا خطرہ زیادہ ہوتا ہے۔

ذیابیطس کے خطرے میں اضافے یا اس سے تحفظ کے حوالے سے انسولین کی حساسیت کا کردار بہت اہم ہوتا ہے۔

خیال رہے کہ انسولین کی حساسیت میں کمی آنے پر ہمارے جسم کو خون میں موجود شکر یا گلوکوز کی سطح کو معلوم پر لانے کے لیے معمول سے زیادہ انسولین کی ضرورت پڑتی ہے۔

موجودہ عہد میں جوان افراد قبل از وقت بڑھاپے کے شکار کیوں ہورہے ہیں؟ اہم وجہ دریافت

ہماری غذائی عادات ہمیں قبل از وقت بڑھاپے کا شکار بنا رہی ہیں۔

اس عمل کو انسولین کی مزاحمت کہا جاتا ہے جس کے دوران انسولین کی سطح بہت زیادہ بڑھ جاتی ہے جبکہ اس کی افادیت گھٹ جاتی ہے اور بلڈ شوگر کی سطح کنٹرول سے باہر ہونے لگتی ہے۔

اب دریافت کیا گیا ہے کہ ایک عام عادت کو اپنا کر آپ ذیابیطس ٹائپ 2 جیسے دائمی مرض سے خود کو محفوظ رکھ سکتے ہیں۔

بس جسمانی سرگرمیوں یا ورزش کو اپنے معمولات کا حصہ بنالیں۔

جرنل ایجنگ سیل میں شائع تحقیق میں بتایا گیا کہ ورزش کو معمول بنانے سے دماغ کے ان خلیات کے افعال بہتر ہوتے ہیں جو انسولین پر ردعمل ظاہر کرتے ہیں۔

دہی کھائیں اور جوان افراد میں تیزی سے پھیلنے والے امراض سے خود کو بچائیں

روزانہ دہی کھانے کی عادت آپ کو ڈپریشن اور انزائٹی سے تحفظ فراہم کر سکتی ہے۔

تحقیق میں ایسے ممکنہ میکنزم کا انکشاف کیا گیا جس سے معلوم ہوتا ہے کہ ورزش سے دماغ کو فائدہ ہوتا ہے۔

تحقیق کے مطابق جسمانی سرگرمیوں سے انسولین سے منسلک دماغی خلیاتی عمل متحرک ہوتا ہے۔

تحقیق میں بتایا گیا کہ انسولین کا بنیادی کردار تو بلڈ شوگر کو کنٹرول کرنا ہے مگر یہ ہارمون دماغی صحت کے لیے بھی اہم کردار ادا کرتا ہے اور ان حصوں پر اثرانداز ہوتا ہے جو سوچنے اور یادداشت سے جڑے ہوتے ہیں۔

جب دماغی خلیات کی جانب سے انسولین پر ردعمل گھٹ جاتا ہے تو دماغی افعال تنزلی کا شکار ہونے لگتے ہیں۔

مردوں اور خواتین میں ایک حیران کن نیا فرق دریافت

مردوں اور خواتین کو تناؤ کا تجربہ بالکل مختلف انداز سے ہوتا ہے۔

اس تحقیق میں 21 ایسے افراد کو شامل کیا گیا جو جسمانی سرگرمیوں سے دور رہنے کے عادی تھے۔

ان افراد کی اوسط عمر 60 سال تھی اور سب ہائی بلڈ شوگر کے شکار تھے مگر ذیابیطس ٹائپ 2 سے محفوظ تھے۔

ان سب افراد کو 2 ہفتوں کے لیے ورزشوں کے ایک پروگرام کا حصہ بنایا گیا جس دوران انہیں 12 سائیکلنگ سیشنز  مکمل کرنا تھے۔

پروگرام کے آغاز اور ہر سائیکل سیشن کے بعد انہیں ایک گلوکوز مشروب پلایا گیا تاکہ انسولین بننے کا عمل متحرک ہو جائے اور پھر خون کے نمونے اکٹھے کیے گئے تاکہ دماغ میں انسولین کی حساسیت سے متعلق تبدیلیوں کا تجزیہ کیا جاسکے۔

رات گئے تک جاگنے کے عادی ہیں؟ تو اس سے مرتب ہونے والے عجیب اثر کو جان لیں

صبح جلد جانے والے افراد کے اندر اپنی ذاتی اہمیت کا احساس زیادہ ہوتا ہے۔

نتائج سے معلوم ہوا کہ 2 ہفتوں کی ورزشوں سے دماغ کے اندر انسولین کی حساسیت بڑھ گئی۔

یہ تبدیلیاں اس لیے بھی اہم ہیں کیونکہ انہیں گلوکوز مشروبات کا استعمال کرایا گیا تھا جس سے عندیہ ملا کہ ورزش کرنے سے دماغ بلڈ شوگر بڑھنے پر انسولین کے اخراج پر زیادہ بہتر ردعمل ظاہر کرتا ہے۔

محققین نے بتایا کہ دماغ سے ہٹ کر بھی ان افراد کو فائدہ ہوا کیونکہ بلڈ شوگر کو کنٹرول میں رکھنا آسان ہوگیا جبکہ پورے جسم میں انسولین کی حساسیت بڑھ گئی، جس سے ذیابیطس ٹائپ 2 سے متاثر ہونے کا خطرہ گھٹ گیا۔

کچھ افراد کے جسمانی وزن میں معمولی کمی بھی آئی۔

جوان افراد میں ہارٹ اٹیک اور فالج کا خطرہ بڑھانے والا عام مسئلہ

زیادہ جسمانی وزن یا موٹاپے سے 10 برس کے دوران ہارٹ اٹیک اور فالج کا خطرہ نمایاں حد تک بڑھ جاتا ہے۔

محققین کے مطابق ابھی ہم تحقیق کے نتائج کو مکمل نہیں کہہ سکتے کیونکہ اس میں بہت کم افراد کو شامل کیا گیا تھا۔

انہوں نے بتایا کہ اس حوالے سے مزید تحقیق کی جائے گی جس میں زیادہ افراد کو شامل کرکے مختلف اقسام کی ورزشوں کے اثرات کا جائزہ لیا جائے گا۔