وہ عام غلطیاں جس کے باعث ماہ رمضان میں جسمانی وزن میں کمی لانا ناممکن ہو جاتا ہے

ویسے تو خیال کیا جاتا ہے کہ ماہ رمضان کے دوران جسمانی وزن میں کمی لانا آسان ہوتا ہے۔

مگر آپ بہت زیادہ کوشش کرتے ہیں مگر جسمانی وزن میں کمی نہیں آتی؟

تو ہوسکتا ہے کہ اس کی وجہ آپ کی اپنی چند عادات یا غلطیاں ہوں جو جسمانی وزن میں کمی کی کوششیں ناکام بنارہی ہوں۔

رمضان کے مہینے میں جسمانی وزن میں کمی لانا آسان نہیں ہوتا مگر یہ ناممکن بھی نہیں۔

سیب کے سرکے کے چند حیرت انگیز فوائد جن سے بیشتر افراد واقف نہیں

سیبوں، خمیر اور دیگر اجزا سے تیار ہونے والا یہ سرکہ پکوانوں، سلاد، اچار اور متعدد کاموں کے لیے استعمال کیا جاتا ہے۔

تو ایسی عام عادات یا غلطیوں کے بارے میں جانیں جو جسمانی وزن میں کمی کی کوششوں کو ناکام بنادیتی ہیں۔

پورا دن بیٹھ کر گزارنا

آپ دفتر میں بیٹھے رہتے ہیں یا ٹی وی دیکھنا پسند ہے، اگر ہاں تو اس کے باعث جسمانی وزن میں کمی لانا بہت مشکل ہو جاتا ہے۔

جب کوئی فرد دن کا زیادہ تر وقت بیٹھ کر گزارتا ہے تو وہ سحر اور افطار میں ضرورت سے زیادہ کھانے لگتا ہے، جس سے جسمانی وزن میں اضافہ ہوتا ہے۔

رمضان میں قبض کے مسئلے سے بچنا بہت آسان

رمضان میں طرز زندگی میں تبدیلیوں سے نظام ہاضمہ کے مسائل کا خطرہ بڑھ جاتا ہے۔

سحری نہ کرنا

سحری نہ کرنا جسمانی وزن میں کمی لانے کی بجائے اس میں اضافے کا باعث بننے والی عادت ہے۔

اس کی وجہ یہ ہے کہ سحری نہ کرنے سے بھوک زیادہ لگتی ہے جس کا نتیجہ افطار یا رات میں زیادہ مقدار میں کھانے کی شکل میں نکلتا ہے۔

بہت زیادہ تناؤ یا فکرمندی

تناؤ یا فکرمند ہونے پر لوگ زیادہ کیلوریز اور چکنائی والی غذاؤں کو ترجیح دینے لگتے ہیں جبکہ تناؤ کے شکار افراد کے پیٹ اور کمر کے اردگرد زیادہ چربی جمع ہونے لگتی ہے۔

وہ 4 عادات جو چہرے کو کیل مہاسوں سے بھرنے کا باعث بنتی ہیں

چہرے پر نکلنے والے یہ دانے یا دیگر نشانات اکثر افراد کے مزاج پر کتنے گراں گزرتے ہیں، اس کا اندازہ لگانا مشکل نہیں۔

ناکافی نیند

نیند کی کمی جسمانی وزن میں کمی کو مشکل بنادیتی ہے کیونکہ اس کے نتیجے میں میٹابولزم کی رفتار سست ہوجاتی ہے اور کیلوریز تیزی سے جلتی نہیں۔

ناکافی نیند کے باعث جسمانی توانائی میں کمی آتی ہے جس سے ورزش کرنا مشکل ہوجاتا ہے۔

اور ہاں نیند کی کمی سے طاری ہونے والی تھکاوٹ کے شکار افراد ناقص غذا کو زیادہ ترجیح دیتے ہیں جس کا نتیجہ بھی جسمانی وزن میں اضافے کی شکل میں نکلتا ہے۔

روزانہ کچھ دیر چیونگم چبانے کے بہترین فوائد جانیں

چیونگم چبانے سے درحقیقت صحت کو متعدد فوائد حاصل ہوتے ہیں۔

میٹھے مشروبات پینا

میٹھے مشروبات میں کیلوریز کی مقدار کافی زیادہ ہوتی ہے مگر ہمارا دماغ اس کو سمجھ نہیں پاتا، اس کے نتیجے میں جسمانی وزن میں کمی لانے کی کوشش ناکام ہوجاتی ہے۔

کم پانی پینا

جی ہاں پانی پینا بھی جسمانی وزن میں کمی لانے میں مددگار ثابت ہوسکتا ہے۔

آخر موجودہ عہد میں بہت زیادہ جوان افراد کینسر کا شکار کیوں ہورہے ہیں؟

ہر گزرتے سال کے ساتھ کینسر کے کم عمر مریضوں کی تعداد میں اضافہ ہو رہا ہے

افطار سے سحر کے دوران کم پانی پینے سے جسم ڈی ہائیڈریشن کا شکار ہوتا ہے جبکہ میٹابولزم کے افعام متاثر ہوتے ہیں۔

ناقص غذائی انتخاب

اگر آپ افطار میں بہت زیادہ نمک اور چکنائی پر مبنی اشیا  کھانا پسند کرتے ہیں تو جسمانی وزن میں کمی کے بارے میں سوچنا نہیں چاہیے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔