08 مارچ ، 2025 
پرانی کار میں پاکستان سےگن پارٹس برطانیہ اسمگل کرنےکے مجرم کو سزا سنادی گئی
08 مارچ ، 2025
لندن: پاکستان سےگن کے پارٹس برطانیہ اسمگل کرنےکے جرم میں پاکستانی نژاد برطانوی شہری کو سزا سنادی گئی۔
رپورٹس کے مطابق پاکستانی نژاد برطانوی شہری یاسر خان کو برمنگھم کراؤن کورٹ نے 8 برس قید کی سزا سنائی ہے۔
یاسرخان کے اسلحہ اسمگل کرنے کے اعتراف کے بعد برمنگھم کراؤن کورٹ نے سزا سنائی ہے۔
رپورٹس کے مطابق پاکستان سے پرانی کار کے مختلف حصوں میں چھپا کر 72 پارٹس میں ٹاپ سلائیڈز اور پسٹلز کے بیرل لائےگئے۔گن کے پارٹس فیول ٹینک کے اندر، ونڈ اسکرین کے نیچے اور انجن کے پیچھے چھپائےگئے تھے۔
یوکے بارڈر فورس نے پرانی گاڑی سےگن کے پارٹس گزشتہ سال 7 جولائی کو برآمدکیے تھے۔
عدالت میں سزا سنائے جانے کے بعد یاسرخان کی پولیس کے ہاتھوں ڈرامائی گرفتاری کی ویڈیو بھی دکھائی گئی۔
مزید خبریں :
امریکا کا یوکرین امن معاہدے سے پیچھے ہٹنے کا عندیہ
18 اپریل ، 2025
ویڈیو: خرگوش کے انجن میں گھسنے سے اُڑتے طیارے میں آگ لگ گئی
18 اپریل ، 2025
