25 مارچ ، 2025 
یتیم بچوں کیلئے ایوانِ صدر میں افطار ڈنر، صدر نے بچوں میں بطور تحفہ ٹیبلٹس تقسیم کیے
25 مارچ ، 2025
صدر آصف زرداری کی جانب سے پاکستان آرفن کیئر فورم کے زیرِ کفالت یتیم بچوں کیلئے ایوانِ صدر میں افطار ڈنر کا اہتمام کیا گیا۔
یتیم بچوں کیلئے افطار ڈنر پر اظہارِ خیال کرتے ہوئے صدر کا کہنا تھاکہ آپ سب مجھے اپنے بچوں کی طرح عزیز ہیں، آپ ہمارا مسقبل ہیں، اپنی تعلیم پر خصوصی توجہ دیں۔
انہوں نے کہا کہ آصفہ بھٹو زرداری کے مشورے پر آپ کو کمپیوٹر ٹیبلیٹس کا تحفہ دے رہا ہوں، تمام بچے ٹیبلیٹس کو تعلیم حاصل کرنے اور سیکھنے کیلئے استعمال کریں۔
اعلامیے کے مطابق صدر نے بچوں میں بطور تحفہ کمپیوٹر ٹیبلٹس بھی تقسیم کیے۔
تقریب سے پاکستان آرفن کیئر فورم کے چیئرمین ائیر مارشل ریٹائرڈ فاروق حبیب نے خطاب کرتے ہوئے کہاکہ پاکستان میں ایک اندازے کے مطابق 46 لاکھ یتیم بچے ہیں، پاکستان آرفن کیئر فورم اور اس سے منسلک ادارے ملک بھر میں ایک لاکھ 20 ہزار کے قریب بچوں کی کفالت کررہے ہیں۔
ان کا کہنا تھاکہ یتیم اور محروم بچوں کی کفالت معاشرے کی مشترکہ ذمہ داری ہے۔
مزید خبریں :
کیا عید کے روز 'عید مبارک' کہنا ٹھیک ہے؟
20 منٹ پہلے
عمران خان نے فیصل چوہدری کو لیگل ٹیم سے نکال دیا
11 گھنٹے پہلے
