صرف ہفتہ وار تعطیل کے دوران ورزش کرنے سے صحت کو ہونے والے حیرت انگیز فائدے کے بارے میں جانتے ہیں؟

ایسا کہا جاتا ہے کہ اچھی جسمانی اور دماغی صحت کے لیے روزانہ ورزش کرنا ضروری ہے مگر کچھ افراد ایسے ہوتے ہیں جو ہفتے میں ایک یا 2 دن ہی ایسا کر پاتے ہیں۔

تو کیا ہفتے میں ایک یا 2 دن ورزش کرنے سے صحت کو فائدہ ہوتا ہے؟

اس کا جواب ہے ہاں، اس عادت سے صحت کو روزانہ ورزش کرنے جتنا ہی فائدہ ہوتا ہے۔

یہ بات امریکا میں ہونے والی ایک طبی تحقیق میں سامنے آئی۔

کیا ہفتے میں صرف ایک بار ورزش کرنے سے بھی صحت کو کوئی فائدہ ہوتا ہے؟

ہفتے میں ایک یا 2 بار ورزش کرنے سے انزائٹی سے متاثر ہونے کا خطرہ 35 فیصد تک گھٹ جاتا ہے۔

خیال رہے کہ عالمی ادارہ صحت نے بالغ افراد کو ہر ہفتے کم از کم 150 منٹ تک معتدل جسمانی سرگرمیوں کو معمول بنانے کا مشورہ دیا ہے اور روزانہ کچھ وقت کے لیے ایسا کرنا چاہیے، مگر اکثر افراد کے لیے روزمرہ کی مصروفیات کے باعث ایسا کرنا مشکل ہوتا ہے۔

Nevada یونیورسٹی کی تحقیق میں دیکھا گیا تھا کہ ہر ہفتے ایک یا 2 دن تک 150 منٹ کی جسمانی سرگرمیوں کو اپنانے سے صحت کو کیا فائدہ ہوتا ہے۔

اس سے قبل تحقیقی رپورٹس میں دریافت کیا گیا تھا کہ ہر ہفتے ایک یا 2 دن تک ورزش کرنے سے دماغ اور دل کی صحت کو روزانہ ورزش کرنے جتنا ہی فائدہ ہوتا ہے۔

اس تحقیق میں 93 ہزار سے زائد افراد کی صحت اور ورزش کے ڈیٹا کی جانچ پڑتال کی گئی تھی۔

سویٹنر یا مصنوعی مٹھاس کے استعمال سے جسمانی وزن میں اضافے کا خطرہ بڑھتا ہے، تحقیق

سویٹنر کو زیادہ استعمال کرنے سے بھوک کی شدت بڑھ جاتی ہے جس سے لوگ زیادہ کھانا کھانے لگتے ہیں اور جسمانی وزن میں اضافہ ہوتا ہے۔

ان میں سے 97 فیصد افراد کی اوسط عمر 62 سال تھی اور ان افراد سے جسمانی سرگرمیوں کے 7 دن کا ڈیٹا وئیرابل فٹنس ٹریکرز کے ذریعے حاصل کیا گیا۔

اس ڈیٹا کی بنیاد پر ان افراد کو 3 گروپس میں تقسیم کیا گیا۔

پہلا گروپ ایسے افراد کا تھا جو ورزش نہیں کرتے تھے۔

دوسرا گروپ ایسے افراد کا تھا جو ہفتے میں ایک یا 2 بار 150 منٹ تک ورزش یا جسمانی سرگرمیوں کا حصہ بنتے تھے۔

سائنسدانوں کی گنج پن کے مؤثر علاج کیلئے اہم پیشرفت

نئی دریافت سے گنج پن کا مؤثر طریقہ علاج تشکیل دینا ممکن ہوجائے گا۔

تیسرا گروپ ورزش کو معمول بنانے والے افراد پر مشتمل تھا۔

ان افراد کی صحت کا جائزہ 8 سال تک لیا گیا اور دریافت ہوا کہ جسمانی طور پر متحرک دونوں گروپس میں ورزش نہ کرنے والوں کے مقابلے میں جلد موت کا خطرہ گھٹ جاتا ہے۔

تحقیق میں دریافت کیا گیا کہ ہفتے میں ایک یا 2 بار ورزش کرنے سے بھی جلد موت کا خطرہ اتنا ہی کم ہوتا ہے جتنا روز ورزش کرنے سے۔

تحقیق کے مطابق روزانہ یا ہفتے میں ایک یا 2 بار ورزش کرنے سے ہر قسم کی وجہ بشمول امراض قلب اور کینسر سے موت کا خطرہ نمایاں حد تک گھٹ جاتا ہے۔

وہ آسان عادت جس سے بڑھاپے میں متعدد دائمی امراض سے بچنا ممکن

غذائی عادات ہر عمر میں صحت کے لیے اہم ثابت ہوتی ہیں۔

تحقیق میں بتایا گیا کہ روزانہ ورزش کرنے والوں میں قبل ازوقت موت کا خطرہ 26 فیصد، امراض قلب کا 24 فیصد اور کینسر کا 13 فیصد تک گھٹ جاتا ہے۔

حیران کن طور پر ہفتے میں ایک یا 2 بار ورزش کرنے والوں میں قبل از وقت موت کا خطرہ 33 فیصد تک کم ہو جاتا ہے۔

اسی طرح امراض قلب کا خطرہ 31 اور کینسر کا امکان 21 فیصد تک گھٹ جاتا ہے۔

محققین نے بتایا کہ ہفتے میں ایک یا 2 بار تیز رفتاری سے طویل چہل قدمی، جاگنگ، کرکٹ یا فٹبال کھیلنا اور سیڑھیاں چڑھنے جیسی سرگرمیوں سے بھی صحت کو فائدہ ہوتا ہے۔

اس تحقیق کے نتائج جرنل آف دی امریکن ہارٹ ایسوسی ایشن میں شائع ہوئے۔