بہت زیادہ دیر تک سونا بھی دماغی صحت کیلئے نقصان دہ ہوتا ہے، تحقیق

ویسے تو کہا جاتا ہے کہ بہت کم نیند جسم اور دماغ کے لیے نقصان دہ ہوتی ہے مگر بہت زیادہ وقت تک سونے سے بھی دماغی افعال کو نقصان پہنچتا ہے۔

یہ بات امریکا میں ہونے والی ایک طبی تحقیق میں سامنے آئی۔

ٹیکساس یونیورسٹی کی تحقیق میں بتایا گیا کہ ہر رات 9 یا اس سے زائد گھنٹوں تک سونے کے عادی افراد بدترین دماغی کارکردگی کا مظاہرہ کرتے ہیں، خاص طور پر اگر وہ ڈپریشن کے شکار ہوں۔

اس تحقیق میں 1853 افراد کو شامل کیا گیا تھا۔

خواتین کی نسبت عشق میں ناکام مردوں میں موت کا امکان دگنا ہوتا ہے: تحقیق

ٹوٹے ہوئے دل کا سنڈروم جسے باضابطہ طور پر ٹاکوٹسوبو کارڈیو مایوپیتھی کہا جاتا ہے یہ کیفیت ہارٹ اٹیک جیسی علامات کا سبب بنتی ہے

ان افراد کی عمریں 27 سے 85 سال کے درمیان تھیں اور انہیں 4 گروپس میں تقسیم کیا گیا۔

ایک گروپ ایسے افراد کا تھا جو ڈپریشن سے محفوظ تھے، دوسرا ایسے افراد کا تھا جو سکون آور ادویات کا استعمال نہیں کرتے تھے، تیسرا اور چوتھا گروپ ڈپریشن کے شکار افراد اور سکون آور ادویات استعمال کرنے والوں پر مشتمل تھا۔

ان افراد کی نیند کی عادات کا جائزہ لیا گیا۔

تحقیق میں دریافت ہوا کہ بہت زیادہ وقت تک سونے والے افراد کے مجموعی دماغی افعال گھٹ جاتے ہیں، خاص طور پر ڈپریشن کی علامات کے شکار افراد زیادہ متاثر ہوتے ہیں۔

ہر ہفتے زیادہ گھنٹوں تک کام کرنا دماغی صحت کیلئے نقصان دہ

اس سے صرف جسمانی صحت ہی متاثر نہیں ہوتی بلکہ دماغی ساخت بھی تبدیل ہو جاتی ہے۔

اس کے ساتھ ساتھ ڈپریشن سے محفوظ افراد پر بھی منفی اثرات مرتب ہوتے ہیں مگر وہ کسی حد تک کمزور ہوتے ہیں۔

محققین نے بتایا کہ بہت زیادہ وقت سونے کے عادی افراد میں ڈپریشن کی علامات کا امکان بھی زیادہ ہوتا ہے اور اگر آپ ڈپریشن کے شکار ہیں تو دماغی تنزلی کا خطرہ بھی بڑھ سکتا ہے۔

انہوں نے بتایا کہ بہت زیادہ وقت تک سونے سے مخصوص دماغی افعال جیسے یادداشت پر منفی اثرات مرتب ہوتے ہیں۔

تحقیق میں بتایا گیا کہ نیند ہماری صحت کے لیے بہت اہم ہوتی ہے خاص طور پر دماغی صحت کے لیے۔

چائے پینا پسند کرتے ہیں تو اس کا یہ فائدہ ضرور جان لینا چاہیے

چائے پینے یا کچھ مقدار میں چاکلیٹ کھانے سے بلڈ پریشر کی سطح میں کمی لانے میں مدد ملتی ہے۔

نیند متاثر ہونے یا اس کا دورانیہ اچانک بڑھ جانے سے دماغی تنزلی اور الزائمر امراض کا خطرہ بڑھتا ہے۔

محققین کے مطابق 7 سے 8 گھنٹے کی نیند صحت کے لیے مفید ہوتی ہے مگر جب نیند کا دورانیہ بہت کم یا زیادہ ہو جائے تو یہ خطرے کی گھنٹی ہے۔

اس تحقیق کے نتائج جرنل الزائمر اینڈ ڈیمینشیا میں شائع ہوئے۔