ہارٹ اٹیک اور امراض قلب سے بچانے والے موسم گرما کے چند بہترین پھل اور سبزیاں

دنیا بھر میں سب سے زیادہ اموات دل کی شریانوں سے جڑے امراض جیسے ہارٹ اٹیک یا فالج کے نتیجے میں ہوتی ہے۔

دل کی صحت سے جڑے مسائل بشمول ہارٹ اٹیک، دل کی دھڑکن کی رفتار میں بے ترتیبی یا اس عضو کے مختلف حصوں کو پہنچنے والے ہر قسم کے نقصان کے لیے امراض قلب کی اصطلاح استعمال کی جاتی ہے۔

ہائی بلڈ پریشر، ہائی کولیسٹرول اور تمباکو نوشی کو دل کے متعدد امراض کا خطرہ بڑھانے والے عناصر تصور کیا جاتا ہے مگر طرز زندگی کی تبدیلیاں بھی اس حوالے سے اہم ہوتی ہیں۔

ایسا تصور کیا جاتا ہے کہ امراض قلب کا سامنا بڑھاپے یا کم از کم درمیانی عمر میں ہوتا ہے۔

5 علامات جن کو کبھی نظر انداز نہیں کرنا چاہیے

کچھ علامات ایسی ہیں جن کو کبھی بھی نظر انداز نہیں کرنا چاہیے۔

مگر حالیہ برسوں میں جوان افراد میں دل کے امراض کی شرح میں حیران کن اضافہ ہوا ہے۔

اچھی بات یہ ہے کہ موسم گرما کے دوران چند عام پھلوں اور سبزیوں کا استعمال عادت بنانے سے امراض قلب بشمول ہارٹ اٹیک اور فالج سے بچنے میں مدد مل سکتی ہے۔

آڑو

آڑو دل کی صحت کے لیے بہترین پھل ہے۔

وہ 14 حیرت انگیز عادات جو آپ کو جلد بوڑھا بنا دیتی ہیں

روزمرہ کی زندگی کی عادات اور ہمارے انتخاب قبل از وقت بڑھاپے کا شکار بنانے میں زیادہ نمایاں کردار ادا کرنے والے عناصر ہیں۔

جانوروں پر ہونے والی تحقیقی رپورٹس میں دریافت کیا گیا ہے کہ آڑو کے ایکسٹریکٹ سے کولیسٹرول اور ہائی بلڈ پریشر کو کم رکھنے میں مدد ملتی ہے، جبکہ اس میں موجود پوٹاشیم بھی بلڈ پریشر کو کنٹرول کرنے میں مدد فراہم کرتا ہے، جس سے ہارٹ اٹیک اور فالج جیسے امراض کا خطرہ کم ہوتا ہے۔

خوبانی

اس پھل میں موجود پوٹاشیم بلڈپریشر کی سطح کم کرتا ہے جس سے ہارٹ اٹیک اور فالج کا خطرہ کم ہوتا ہے۔

اس کے علاوہ خوبانی میں موجود فائبر کولیسٹرول کی سطح میں کمی لاتا ہے جس سے بھی امراض قلب سے بچنے میں مدد ملتی ہے۔

آلو بخارے کھانے سے صحت پر مرتب ہونے والے 11 اثرات

یہ پھل نہ صرف ذائقے دار اور صحت بخش ہوتا ہے بلکہ اسے خشک کرکے بھی کھایا جاتا ہے۔

آم

آموں میں موجود میگنیشم اور پوٹاشیم سے خون کی روانی کا نظام مستحکم رکھنے میں مدد ملتی ہے۔

ان اجزا سے خون کی شریانیں کشادہ ہوتی ہیں اور بلڈ پریشر کی سطح گھٹ جاتی ہے۔

اس پھل میں موجود اینٹی آکسائیڈنٹس بھی دل کی صحت کے لیے مفید ہوتے ہیں جو کولیسٹرول اور چکنائی کی سطح میں کمی لاتے ہیں۔

پھلوں کے بادشاہ آم کو کھانے سے جسم پر کیا اثرات مرتب ہوتے ہیں؟

کیا اس پھل کو کھانے سے صحت کو بھی کوئی فائدہ ہوتا ہے یا نہیں؟

آلو بخارے

اس پھل کو کھانا معمول بنانے سے دل کی صحت پر مثبت اثرات مرتب ہوتے ہیں۔

آلو بخاروں کھانے سے ہائی بلڈ پریشر اور کولیسٹرول کی سطح بلڈ پریشر اور کولیسٹرول کی سطح میں ممکنہ کمی آتی ہے اور یہ دونوں امراض قلب کا خطرہ بڑھانے والے عناصر ہیں۔

تربوز

تربوز میں ایک امینو ایسڈ citrulline کی مقدار کافی زیادہ ہوتی ہے جو جسم میں خون کی گردش کو بہتر بنا کر بلڈ پریشر کی سطح میں کمی لانے میں مدد فراہم کرتا ہے۔

آخر کچھ افراد کو بہت زیادہ پسینہ کیوں آتا ہے؟

جب جسم ٹھنڈا ہو جاتا ہے تو پسینہ بہنا رک جاتا ہے، تاہم کچھ افراد ایسے ہوتے ہیں جن کا پسینہ مسلسل بہت زیادہ مقدار میں بہتا ہے۔

اس کے ساتھ ساتھ لائیکوپین سے بھی دل کی صحت کو فائدہ ہوتا ہے۔

تحقیقی رپورٹس سے ثابت ہوتا ہے کہ لائیکوپین کے استعمال سے ہارٹ اٹیک کا خطرہ کم ہو جاتا ہے۔

جامن

جامن میں پوٹاشیم کی مقدار کافی زیادہ ہوتی ہے جو بلڈ پریشر کو مستحکم رکھنے کے لیے انتہائی اہم جز ہے۔

جان لیوا امراض قلب کو آپ سے دور رکھنے میں مددگار 9 آسان عادات

حالیہ برسوں میں جوان افراد میں دل کے امراض کی شرح میں حیران کن اضافہ ہوا ہے۔

ہائی بلڈ پریشر سے دل کی شریانوں کو نقصان پہنچتا ہے جس سے ہارٹ اٹیک اور فالج کا خطرہ بڑھتا ہے۔

اس پھل کو کھانے سے دل کی صحت کو بہتر بنانے میں مدد ملتی ہے کیونکہ یہ ہائی بلڈ پریشر کے مسئلے سے تحفظ فراہم کرتا ہے۔

ٹماٹر

ٹماٹر سبزی ہے یا پھل، اس پر کافی بحث کی جاتی ہے مگر یہ دل کی صحت کے لیے بہت مفید ہے۔

اس میں موجود اجزا جیسے پوٹاشیم، وٹامن سی ور فولیٹ سے امراض قلب سے بچنے میں مدد ملتی ہے۔

گرم موسم میں روزانہ کتنا پانی پینا ضروری ہے؟

تھکاوٹ، بلڈ پریشر میں اضافے اور دیگر مسائل سے بچنے کے لیے مناسب مقدار میں پانی پینا ضروری ہے۔

کھیرے

ہائی بلڈ پریشر سے امراض قلب اور ہارٹ اٹیک کا خطرہ بڑھتا ہے تاہم کھیروں میں موجود پوٹاشیم بلڈ پریشر کی سطح کو کم کرتا ہے۔

اس کے ساتھ ساتھ کھیروں میں موجود نباتاتی مرکبات بھی دل کی صحت کے لیے مفید ہوتے ہیں جو شریانوں میں چربیلے مواد کو جمع ہونے سے روکتے ہیں۔

اسی طرح فائبر سے بلڈ کولیسٹرول کی سطح میں کمی آتی ہے جس سے بھی امراض قلب کا خطرہ کم ہوتا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔