22 اپریل ، 2013 
خسرہ سے ہونیوالی سیکڑوں ہلاکتیں قابل تشویش ہیں، وزیراعظم
22 اپریل ، 2013
اسلام آباد … وزیراعظم میرہزار خان کھوسو نے کہا ہے کہ ملک بھرمیں بچوں کی خسرہ سے ہونے والی سیکڑوں ہلاکتیں قابل تشویش ہیں، وزارت بین الصوبائی رابطہ صوبوں سے رابطہ کرکے صورتحال میں بہتری لانے کیلئے فوری طور پر مشترکہ اقدامات کرے۔ وزیراعظم میر ہزار خان کھوسوسے قائم مقام وفاقی محتسب سلمان فاروقی نے ملاقات کی اور ملک بھرمیں خسرہ کی پھیلنے والی وباء کی وجوہات اور اس میں ہونے والی 400 بچوں کی ہلاکتوں پر تحقیقاتی رپورٹ پیش کی۔ وزیراعظم نے بین الصوبائی کانفرنس بلانے کی تجویز پر بھی مشاورت کی ہدایت کی۔ بعدمیں پاک بحریہ کے سربراہ ایڈمرل آصف سندھیلانے بھی وزیراعظم سے ملاقات کی ۔ اس موقع پر پاک نیوی کے پیشہ وارانہ امور پر بات چیت کی گئی۔ وزیراعظم کا کہنا تھا کہ وفاقی حکومت پاکستان نیوی کی استعداد کار بڑھانے کیلئے ہرممکن اقدامات کرے گی۔
مزید خبریں :
190 ملین پاؤنڈ کیس کا فیصلہ 13 جنوری کو سنایا جائیگا
1 گھنٹے پہلے
ڈی سی کرم پر فائرنگ کرنے والے 2 مبینہ شرپسند گرفتار
2 گھنٹے پہلے
