14 مارچ ، 2012 
جوڈیشل کمیشن غیر جانبدار عدلیہ قائم کرے، عاصمہ جہانگیر
14 مارچ ، 2012
لاہور… سپریم کورٹ بار ایسوسی ایشن کی سابق صدر عاصمہ جہانگیر کا کہنا ہے کہ جوڈیشل کمیشن ملک میں آزاد اور غیر جانبدار عدلیہ قائم کرے، ججوں کی برادری نہ بنائے۔ لاہور ہائی کورٹ بار ایسوسی ایشن کے اجلاس سے خطاب کرتے ہوئے عاصمہ جہانگیر کا کہنا تھا کہ وہ نہیں مانتیں کہ عدلیہ ایک دم پاک، نیک اور شفاف ہو گئی ہے، عام سائل نا خوش ہے اور نا ہی اسے انصاف ملتا ہے۔ عاصمہ جہانگیر کا کہنا تھا کہ وہ خبردار کرتی ہیں کہ جوڈیشل کمیشن کے نمائندے میرٹ پر بھرتیاں کریں۔ ججوں کے چیمبروں سے جج بنائے جانے بند کئے جائیں۔ ہائیکورٹ میں نئے ججوں کے تقرر کے لئے اہل وکلا کو چھوڑ دیا گیا عاصمہ جہانگیر کا کہنا تھا کہ وکلا کو ججوں کی رکھوالی نہیں کرنی عدلیہ کو اپنے لئے نہیں عام لوگوں کے لئے مضبوط کرنا ہے۔
مزید خبریں :
عمران خان نے آرمی چیف کو تیسرا خط لکھ دیا
5 گھنٹے پہلے
عمران خان نے شیر افضل مروت کو پارٹی سے نکال دیا
7 گھنٹے پہلے
