13 اکتوبر ، 2013 
مناسک حج کا آغاز، حجاج کرام منیٰ روانہ ہونا شروع
13 اکتوبر ، 2013
منیٰ…مسلمانوں کے سب سے بڑے اجتماع حج کے مناسک کا آغاز ہوگیا ہے۔ حجاج کرام مکہ مکرمہ سے منیٰ روانہ ہونا شروع ہوگئے ہیں۔لبیک اللھم لبیک کی روح پرور صدائیں مکہ مکرمہ اور منیٰ میں گونج رہی ہیں۔ دنیا کی مختلف اقوام سے تعلق رکھنے والے لاکھوں افراد رنگ و نسل کے امتیاز سے بالاتر ہو کراللہ عزوجل کے دربار میں حاضر ہیں۔ عازمین حج آج کی شب منیٰ میں قیام کرکے کل 9 ذی الحج کو صبح عرفات کے لیے روانہ ہوں گے جہاں حج کا رکن اعظم وقوف عرفات ادا کیا جائے گا۔ حج کا خطبہ بھی عرفات کے میدان میں دیا جاتا ہے۔ عرفات میں قیام کے بعد حجاج کرام رات مزدلفہ میں گزاریں گے جس کے بعد 10 ذی الحج کو دوبارہ منیٰ پہنچیں گے۔ منیٰ میں حجاج کرام پہلے دن بڑے شیطان کو کنکریاں مارنے کے بعد قربانی کرکے سرمنڈوا کر یا بال کٹوا کر احرام کھول دیں گے۔ ان مناسک کے بعد حجاج کرام مزید 2 یا تین راتیں منیٰ میں گزاریں گے۔
مزید خبریں :
او آئی سی کا سندھ طاس معاہدہ برقرار رکھنے پر زور
03 جون ، 2025
مراکش کے بادشاہ کی عوام سے قربانی نہ کرنےکی اپیل
02 جون ، 2025
