جوہانسبرگ…ڈک ورتھ لوئس میتھڈکے تحت جنوبی افریقہ نے4رنزسے میچ جیت لیا، جنوبی افریقہ کودومیچ کی سیریزمیں0-1 کی برتری حاصل ہوگئی،پہلے ٹی ٹوئنٹی میں جنوبی افریقہ نے پہلے کھیلتے ہوئے 153 رنز اسکور کیے،جواب میں پاکستان نے دو وکٹوں کے نقصان پرصرف 60 رنز بنائے، دسویں اوور میں بارش نے کھیل روک دیا،جس کے بعد ڈک ورتھ لوئس میتھڈ کے تحت جنوبی افریقہ نے چار رنز سے میچ جیت لیا۔ جنوبی افریقی بیٹسمین کوئنٹین ڈی کوک مین آف دی میچ قرارپائے ۔ قومی کرکٹ ٹیم کے کپتان محمد حفیظ کا کہنا ہے کہ جنوبی افریقہ کو153رنز تک محدودکرکے بالرزنے اچھی کارکردگی دکھائی،بارش کی وجہ سے میچ کارکنابدقسمتی تھی۔جنوبی افریقی ٹیم کے کپتان فاف ڈوپلیسی کا کہنا تھا کہ ٹیم جیت رہی ہے،ایسے میں ٹیم کاحصہ ہونااچھالگتاہے، بالرزنے پلان کے مطابق بالنگ کرکے جیت میں اہم کرداراداکیا۔ پاکستان ٹیم کی شکست پر تبصرہ کرتے ہوئے شعیب اختر کا کہنا تھا کہ آج کامیچ پاکستان جیت سکتاتھا، جس طرح کی وکٹ تھی اس پرپاکستان نے کافی اچھی بیٹنگ کی۔سابق ٹیسٹ کرکٹر کا مزید کہنا تھا کہ جس پلیئرکوریسٹ کراناہوتاہے اسے کرایانہیں جاتا،اگرسعیداجمل کوکھلایاجاتاتوجنوبی افریقا کااسکورکم ہوتا،پاکستان کرکٹ ٹیم کے لیے میچ ونرزتلاش کرناہوں گے۔ سابق کپتان محمد یوسف کا کہنا تھا کہ سعیداجمل کونہ کھلانے کافیصلہ حیران کن ہے، سعیداجمل مین کھلاڑی ہے اس کوڈراپ کرنے کافیصلہ سمجھ سے باہرہے۔