27 مارچ ، 2012 
حکومت میں غلط کو غلط کہنے کا دم خم نہیں، چیف جسٹس
27 مارچ ، 2012
اسلام آباد…چیف جسٹس آف پاکستان جسٹس افتخار محمد چوہدری کہا ہے کہ ملک میں حالات خراب ہورہے ہیں ، لاقانونیت بڑھ رہی ہے، اور ایسا لگتا ہے ہم پتھروں کے دور میں رہ رہے ہیں سپریم کورٹ میں عورتوں کے حقوق کی خلاف ورزی اور غلط رسومات کے بارے کیس کی سماعت چیف جسٹس کی سربراہی میں تین رکنی بنچ کر رہا ہے۔ چیف جسٹس نے ریمارکس دیتے ہوئے کہا کہ کم عمر بچیوں کو سنگ چٹی کیا جاتا ہے ، اس میں وزرا میں ملوث ہوتے ہیں۔ انھوں نے کہا کہ کمزور وفاقی اور صوبائی حکومتیں ہیں جو حالات پر قابو نہیں پا سکتیں۔ چیف جسٹس نے کہا کہ حکومت میں دم خم نہیں کہ غلط کو غلط کہہ سکے۔ سپریم کورٹ نے ملک میں غیر قانونی جرگوں اور ان کے فیصلوں بارے رپورٹ طلب کرتے ہوئے تمام چیف سیکرٹریز اور آئی جیز کو ہدایت کی ہے کہ وہ غیر قانونی جرگوں کے خلاف سخت اور بلا امتیاز کاروائی کریں۔ کیس کی سماعت 12اپریل تک ملتوی کر دی گئی۔
مزید خبریں :
