28 مارچ ، 2012 
کراچی: لیاری میں سی آئی ڈی کا چھاپہ، دو افراد زیر حراست
28 مارچ ، 2012
کراچی… لیاری کے مختلف علاقوں میں سی آئی ڈی پولیس نے کارروائی کرکے دو مشتبہ افراد کو حراست میں لے کر نامعلوم مقام پر منتقل کردیا ہے۔۔سنگو لین ، چیل چوک ، جھٹ پھٹ مارکیٹ ، غریب شاہ روڈ سمیت لیاری کے مختلف علاقوں سی آئی ڈی پولیس نے جرائم پیشہ عناصر کے خلاف کارروائی کی۔ ذرائع کے مطابق سی آئی ڈی پولیس نے کالعدم پیپلز امن کمیٹی کے رہنماوں عزیر بلوچ، ظفربلوچ، احمد علی اور حبیب جان کے لیے سنگو لین میں چھاپے مارے۔ تاہم ان میں کوئی بھی شخص سی آئی ڈی پولیس گرفتار کرنے میں ناکام رہی۔ لیاری کے مختلف علاقوں میں ہونے والی سی آئی ڈی کی کارروائی کی نگرانی ایس ایس پی سی آئی ڈی چوہدری اسلم نے کی۔ ذرائع کے مطابق سی آئی ڈی پولیس نے لیاری کے مختلف علاقوں میں ٹارگٹیڈ آپریشن کے دوران دو مشتبہ افراد کو حراست میں لے کر تفتیش کے لئے نامعلوم مقام پر منتقل کردیا ہے۔ جبکہ آپریشن کے دوران کسی بھی قسم کے اسلحے کی برآمدگی کی تصدیق نہیں ہوسکی ہے۔
مزید خبریں :
