24 فروری ، 2025 
مصطفیٰ قتل کیس میں اہم پیشرفت، منشیات اسمگلنگ میں بین الاقوامی ڈرگ مافیا کے ملوث ہونےکا انکشاف
24 فروری ، 2025
مصطفیٰ عامر قتل کیس میں ایف آئی اے کی منی لانڈرنگ اور سائبر کرائم سے متعلق تفتیش کے دوران منشیات کی اسمگلنگ میں بین الاقوامی ڈرگ مافیا کے ملوث ہونےکا انکشاف ہوا ہے۔
تفتیشی حکام کا کہنا ہے کہ اسپیشل انویسٹی گیشن یونٹ منشیات کے حوالے سے کارروائی کر رہا ہے، منشیات کی خرید و فروخت میں انٹرنیشنل ڈرگ چین ملوث ہونےکا انکشات ہوا ہے اور منشیات کی ترسیل میں مختلف کوریئر کمپنیزکے ملوث ہونے کا انکشاف بھی ہوا ہے۔
تفتیشی حکام کے مطابق منشیات فروشی کے الزام میں گرفتار ملزم ساحر حسن نے ارمغان سے رابطے کے حوالے سے تفصیلات فراہم کی ہیں، کال ڈیٹا ریکارڈ میں ملزم کے ارمغان سے رابطے سامنے آئے ہیں۔
تفتیتیش حکام کا بتانا ہے کہ ملزم ساحر ارمغان کے ذریعے مصطفیٰ سے ملا تھا، ساحر نے ارمغان سے رابطے کے حوالے سے تفصیلات فراہم کی ہیں، ملزم کا کال ڈیٹا ریکارڈ بھی حاصل کیا گیا ہے، کال ڈیٹا ریکارڈ میں ملزم کے ارمغان سے رابطے سامنے آئے ہیں، ملزم ساحر سے منشیات اور مصطفیٰ کے قتل کے حوالے سے ملزم سے تفتیش جاری ہے۔
