15 جنوری ، 2014 
سابق آرمی چیف پرغداری کاالزام نہیں لگناچاہیے، سربراہ اے این پی
15 جنوری ، 2014
اسلام آباد…عوامی نیشنل پارٹی کے رہنما اسفند یار ولی نے کہا ہے کہ سابق آرمی چیف کے خلاف غداری کا الزام نہیں لگنا چاہیے، پرویز مشرف پر غداری نہیں آئین کی خلاف ورزی کا مقدمہ چلایا جائے۔ یہ انٹرویو آپ جیو نیوز کے پروگرام ”کپیٹل ٹاک“ میں آج رات آٹھ بج کر پانچ منٹ پر دیکھ سکیں گے۔ جیو نیوز کے پروگرام ”کیپٹل ٹاک“ میں حامد میر سے گفتگو کرتے ہوئے عوامی نیشنل پارٹی کے رہنما اسفند یار ولی خان نے مزید کہا کہ پرویز مشرف کے خلاف 3نومبر 2007ء سے نہیں 12 اکتوبر 1999ء سے مقدمہ چلنا چاہیے۔ انہوں نے کہا کہ وہ وزیرداخلہ کے اس دعوے کو نہیں مانتے کہ کچھ طالبان گروپوں سے مذاکرات جاری ہیں، خیبر پختونخوا اور مرکزی حکومت طالبان کے بارے میں کنفیوز ہیں۔ اسفند یار ولی نے کہا کہ 2014ء میں صرف افغانستان نہیں پاکستان میں بھی بڑی تباہی آ سکتی ہے۔
