پشاور…پشاور میں تبلیغی مرکز میں دھماکا کے نتیجے میں متعدد افراد زخمی ہوگئے۔پولیس کے مطابق پشاور میں چارسدہ روڈ پر واقع تبلیغی مرکز کے اندر دھماکا ہوا ہے۔ عینی شاہدین کا کہنا ہے کہ تبلیغی مرکز میں واقع مسجد میں مغرب کی نماز ہورہی تھی لوگ جمع تھے کہ دھماکا ہوگیا۔ذرائع کا کہنا ہے کہ دھماکے کے نتیجے میں متعدد افراد زخمی ہوئے ہیں۔ریسکیو ذرائع کے مطابق زخمیوں کو اسپتال منتقل کیا جارہا ہے۔عینی شاہد حنیف کے مطابق آج جمعرات کی وجہ سے تبلیغی مرکز میں متعدد علاقوں سے تبلیغی ٹیمیں آئی ہوئی تھیں۔ مغرب کی نماز کی ایک رکعت ہوئی تھی کہ بم دھماکا ہوگیا جس میں بڑی تعداد میں لوگ زخمی ہوگئے۔واضح رہے کہ شب جمعہ کیلئے تبلیغی مرکز میں خصوصی اجتماع کیلئے مختلف علاقوں سے تبلیغی ٹیمیں آکر قیام کرتی ہیں۔ نمائندہ جیو نیوز کے مطابق 20سے زائد زخمیوں کو لیڈی ریڈنگ اسپتال منتقل کیا گیا ہے۔متعدد زخمیوں کی حالت تشویش ناک بتائی جارہی ہے۔دھماکے کی نوعیت کا فوری طور پر اندازہ نہیں ہوسکا،تاہم خدشہ ظاہر کیا جارہا ہے کہ دھماکا خودکش ہوسکتا ہے۔