03 اپریل ، 2012 
گلگت میں فائرنگ اور دستی بم کے حملے،5افراد ہلاک
03 اپریل ، 2012
گلگت … گلگت میں کالعدم اہل سنت والجماعت کی حکومتی اقدامات کے خلاف شٹر ڈاوٴن ہڑتال ہے، شہر کے مختلف علاقوں میں ہوائی فائرنگ اور دستی بم کے حملے میں 5افراد ہلاک اور 45 زخمی ہو گئے جبکہ علاقے میں کرفیو نافذ کر دیا گیا ہے۔ شہر کی مختلف سڑکوں کو ٹائر جلا کر بلاک کردیا گیا ہے،، لوگوں کا کہنا ہے کہ ضلعی انتظامیہ اور قانون نافذ کرنے والے اداروں کے اہلکارسڑکوں سے غائب ہیں اور مسلح افراد شہر کے مختلف علاقوں میں ہوائی فائرنگ کررہے ہیں جس سے لوگوں میں سخت خوف و حراس پھیل گیا ہے،اور نظام زندگی بری طرح مفلوج ہے،اس دوران نامعلوم افراد نے اتحاد چوک پر دستی بم بھی پھینک دیا ۔ فائرنگ، دستی بم اور پتھروں سے کئے گئے حملوں میں 5افراد ہلاک اور 45 زخمی بتائے جا رہے ہیں۔ علاقے میں کرفیو نافذ کر دیا گیا ہے اور لوگوں سے گھروں میں رہنے کا کہا جا رہا ہے تاہم کرفیو کے نفاذ کے باوجود بعض جگہوں سے تاحال فائرنگ کی آوازیں سنائی دے رہی ہیں۔
مزید خبریں :
کراچی میں آج سے موسم گرم رہنے کی پیشگوئی
2 گھنٹے پہلے
لیبیا کشتی حادثے میں ملوث اہم ملزم گرفتار
3 گھنٹے پہلے
کان میں پانی جانے سے کیا روزہ ٹوٹ جاتا ہے؟
3 گھنٹے پہلے
کراچی میں رواں سال کتوں کے کاٹنے کے کیسز میں اضافہ
3 گھنٹے پہلے
