02 جولائی ، 2014 
پاکستانی عوام کی اکثریت انتہا پسندی اور طالبان کی مخالف ہے، سروے
02 جولائی ، 2014
نیویارک .....امریکی ادارے کے سروے میں کہا گیا ہے کہ پاکستانی عوام کی اکثریت ملک میں انتہا پسندی اور طالبان کی مخالف ہے۔ امریکی ادارے پیو ریسرچ سینٹر نے پاکستان میں مذہبی انتہا پسندی اور طالبان کے موضوع پر سروے اپریل سے مئی کے دوران چاروں صوبوں میں کیا ۔سروے کے مطابق پاکستان میں 66 فیصد افراد کو مذہبی انتہا پسندی پر تشویش ہے ۔ تاہم 24 فیصد لوگ مذہبی انتہا پسندی کو ملک کے لیے خطرہ نہیں سمجھتے ۔سروے میں 59 فیصد افراد نے کالعدم تحریک طالبان کی مخالفت میں رائے دی جبکہ 8 فیصد لوگ طالبان کے حق میں ہیں ۔ ایک تہائی افراد نے کوئی رائے ظاہر نہیں کی ۔پیو ریسرچ سینٹر کے مطابق مذہبی انتہا پسندی کے موضوع پر بنگلادیش میں کیے گئے سروے میں 69 فیصد افراد اور ملائیشیا میں 63 فیصد افراد نے مذہبی انتہا پسندی پر تشویش ظاہر کی ہے ۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
5 گھنٹے پہلے
عید کے تیسرے روز بھی کراچی کا موسم گرم رہنے کا امکان
7 گھنٹے پہلے
راول ڈیم میں نہاتے ہوئے 3 نوجوان ڈوب کر جاں بحق
8 گھنٹے پہلے
