17 اپریل ، 2012 
آئی پی ایل:بنگلور نے پونا کو چھ وکٹوں سے ہرادیا
17 اپریل ، 2012
بنگلور…انڈین پریمیئر لیگ میں منگل کو ہونے والے دوسرے میچ میں چھکوں کی بارش کا حقیقی منظر اس وقت نظر آیا جب ویسٹ انڈیز کے سابق کپتان اور رائل چیلنجر بنگلور کے اسٹار بیٹسمین کرس گیل نے 8چھکے لگاکر 81کی شاندار باری کھیلی اور بنگلور کو پونا وارئیئرز کے خلاف چھ وکٹوں سے کامیابی دلائی۔واضح رہے کہ کرس گیل نے اس موقع پر راہول شرما کے ایک ہی اوور میں لگاتار پانچ چھکے بھی لگائے۔اس سے قبل پونا نے ٹاس جیت کرپہلے بیٹنگ کرتے ہوئے چھ وکٹوں کے نقصان پر اپنے مقررہ بیس اوورز میں 182رنز بنائے۔جس میں رابن اتھاپا69قابل ذکر بیٹسمین تھے۔جو اب میں بنگلور نے مطلوبہ ہدف چار وکٹوں کے نقصان پر 20اوور کی آخری گیند پر چھکے کی مدد سے مکمل کرلیا۔واضح رہے کہ یہ میچ بنگلور کے چناسوامی اسٹیڈیم سے جیو سوپر کے ناظرین کو براہ راست دکھایا گیا۔
