22 اپریل ، 2025 
پاکستان
مسافروں کی اطلاع پر ریلوے پولیس نے لاش تحویل میں لے لی،جاں بحق شخص کی عمر 60سے 70سال ہے__فوٹو: فائل
لاہور: تیز گام ٹرین کے واش روم سے نامعلوم شخص کی پھندا لگی لاش برآمد
22 اپریل ، 2025
لاہور میں تیز گام ٹرین کے واش روم سے نامعلوم شخص کی پھندا لگی لاش ملی ہے۔
پولیس کے مطابق کراچی سے راولپنڈی جا نے والی تیز گام ایکسپریس لاہور ریلوے اسٹیشن پر رُکی تو اس کے ٹوائلٹ سے نامعلوم شخص کی پھندا لگی لاش ملی۔
مسافروں کی اطلاع پر ریلوے پولیس نے لاش تحویل میں لے لی اور شناخت کا عمل شروع کیا،جاں بحق شخص کی عمر 60 سے 70سال ہے ۔
پولیس کا بتانا ہے کہ مسافرکے جسم پر تشدد کا کوئی نشان نہیں پایا گیا،پولیس نے لاش مردہ خانے منتقل کر کے ورثا کی تلاش شروع کردی۔
