19 اپریل ، 2012 
آئی پی ایل:چنئی نے پونا کو 13رنز سے ہرادیا
19 اپریل ، 2012
چنئی…انڈین پریمیئر لیگ میں جمعرات کو ہونے والے دوسرے میچ میں چنئی سپر کنگز نے پونا کو 13رنز سے ہرادیا۔اس سے قبل چنئی کے ایم اے چدم برم اسٹیڈیم میں ہونے والے میچ میں پوناکے کپتان گنگولی نے ٹاس جیت کر چنئی کو بیٹنگ کی دعوت دی جس پر چنئی نے اپنے مقررہ 20اوورز میں پانچ وکٹوں کے نقصان پر 164کا مجموعہ ترتیب دیا،جس میں پلیسس58،بدری ناتھ57اور کپتان مہندرا سنگھ دھونی 28قابل ذکر بیٹسمین تھے۔جبکہ پونا کی جانب سے سموئلز نے تین جبکہ اشیش نہرا نے دو وکٹ حاصل کی۔جواب میں پونا کی ٹیم ہدف کے حصول میں ناکام رہی اور اپنے مقررہ 20اوورز میں سات وکٹیں کھوکر 151تک محدود رہی۔پونا کی جانب سے متھیو27،سموئیل 26اور کپتان گنگولی 24کے ساتھ سرفہرست بیٹسمین تھے۔چنئی کی جانب سے کولا سیکرا اور براوو نے دو دو وکٹیں اپنے نام کی۔یہ میچ چنئی چیپک سے براہ راست جیو سوپر پر نشر کیا گیا۔
