07 اکتوبر ، 2014 
40 منٹ گو عمران گو کے نعرے لگے، کسی نے نہیں دکھایا، ہاشمی
07 اکتوبر ، 2014
ملتان...... سینئر سیاستدان جاوید ہاشمی نے کہا ہے کہ کل 40 منٹ تک گو عمران گو کے نعرے لگتے رہے ، لیکن کسی میڈیا چینل نے نہیں دکھائے، الیکشن عدم تشدد کے ذریعے جیتنا چاہتا ہوں۔ ملتان مین اپنی رہائش گاہ پریس کانفرنس کرتے ہوئے جاوید ہاشمی کا کہنا تھا کہ وزیراعظم، وزیراعلیٰ پنجاب سے درخواست کرتا ہوں اپنے شیروں کو قابو میں رکھیں، ہماری پڑھی لکھی لیڈرشپ کو یہ نہیں معلوم، گو نواز گو دعائیہ کلمات ہیں، میں کوئی مناظرہ کرنے والا پیرنہیں،شیخ رشید کو آمنا سامنا کرنا ہے تو پریس کلب میں آئے اورکرے۔ جاوید ہاشمی کا کہنا تھا کہ شاہ محمود قریشی کا گھر میرے حلقہ میں ہے،ان کے گھر جا کر بھی ووٹ مانگنے کو تیار ہوں، اس شہر میں پاکستان مسلم لیگ نواز کی جڑیں مضبوط ہیں، یہ بات میں پاکستان تحریک انصاف کی کور کمیٹی کے سامنے بھی کہتا رہا ہوں ، تحریک انصاف والے کہتے ہیں ہم ضمنی انتخاب کا بائیکاٹ کررہے ہیں، لیکن 10 اکتوبر کو انتخابی جلسہ ہو رہا ہے ۔
