لائیو شو میں یونس خان کی محب مرزا کو وارننگ، سابق کرکٹر پر سخت تنقید

time 14 مارچ ، 2023

آئندہ جب کبھی آپ کسی سینئر کھلاڑی کے پاس بیٹھے ہوں اور وہ بات کررہے ہوں تو ایسے کندے پر ہاتھ نہیں رکھنا ورنہ کان کے نیچے لگ جاتی ہے: یونس خان کی محب کو وارننگ—فوٹو: اسکرین گریب

پاکستان کے سابق کپتان یونس خان کی جانب سے اداکار محب مرزا سے لائیو شو میں نامناسب رویہ اختیار کرنے پر سوشل میڈیا صارفین یونس خان کو تنقید کا نشانہ بنارہے ہیں۔

کچھ روز قبل پاکستان سپر لیگ میں پشاور زلمی اور ملتان سلطانز کے درمیان میچ ہوا جس میں زلمی نے 243 کا ٹارگٹ دیا، جواب میں ملتان نے ہدف 19.1 اوور میں حاصل کرلیا۔

یہ بھی پڑھیں

اسی میچ سے متعلق نجی ٹی وی کے ایک پروگرام میں گفتگو چل رہی تھی، پینل میں یونس خان اور کامران اکمل سمیت محب مرزا بطور مہمان شریک ہوئے۔

میزبان نے یونس خان سے اس میچ میں اتنے زیادہ رنز بننے کی وجوہات پوچھیں، یونس خان نے گفتگو کا آغاز کیا، گفتگو لمبی ہوئی تو محب مرزا نے ان کے کاندھے پر ہاتھ رکھا اور کہا 'مان لیں بولنگ فارغ تھی'۔

یونس خان کو محب کا یہ انداز پسند نہیں آیا، انہوں نے کہا بولنگ فارغ نہیں ہوتی، پی ایس ایل میں تمام بولرز ورلڈ کلاس ہیں، یونس خان نے کہا محب سے پوچھیں وہ کون سے بولرز ہیں جو فارغ ہیں؟ جواب میں اداکار نے کہا میں عوام ہوں، میں ٹیکنیکل بات نہیں کروں گا۔

سابق کرکٹر نے کہا 'پھر جب میں نے ٹیکنیکل بات کی تو آپ نے مجھے کندھے پر ہاتھ رکھ کر روکا کیوں؟' محب نے کہا میں نے مذاق کیا تھا۔

یونس خان نے گفتگو کے دوران محب کو تنبیہ کی کہ 'آئندہ جب کبھی آپ کسی سینئر کھلاڑی کے پاس بیٹھے ہوں اور وہ بات کررہے ہوں تو ایسے کندے پر ہاتھ نہیں رکھنا ورنہ کان کے نیچے لگ جاتی ہے'۔

سابق کپتان کا یہ رویہ سوشل میڈیا صارفین کو کچھ خاصہ پسند نہ آیا اور انہوں نے کرکٹر کو سخت تنقید کا نشانہ بنایا۔

اداکارہ منشا پاشا نے بھی اس حوالے سے اپنی رائے کا اظہار کیا۔

انہوں نے انسٹاگرام اسٹوری پر تمام میزبانوں، کرکٹرز اور فنکاروں کو مخاطب کیا اور کہا 'اگر آپ چاہتے ہیں کہ دنیا آپ کے کام، ملک اور آپ کی عزت کرے تو پہلے ایک دوسرے کی عزت کرنا سیکھیں'۔

اداکارہ نے کہا 'خدا کے لیے باتوں کو اتنا سر پر سوار نہ کریں'۔

اداکارہ نے کہا برائے مہربانی دوسروں کو چھوٹا دکھانا بند کریں، اس سے آپ عظیم نہیں نظر آتے۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20