11 نومبر ، 2021
پاکستان کےکپتان بابر اعظم اور محمد رضوان کی جانب سے ریکارڈ بنانےکا سلسلہ جاری ہے، آج آسٹریلیا سے ہونے والے ورلڈ ٹی ٹوئنٹی کے سیمی فائنل میں اوپننگ جوڑی نے ایک اور ریکارڈ بنا ڈالا۔
آج کے میچ میں دونوں نے اوپننگ شراکت میں 71 رنز جوڑے اور ورلڈکپ کے ایک ایڈیشن میں سب سے زیادہ پارٹنرشپ رنز بنانے والی جوڑی کا اعزاز حاصل کرلیا۔
دونوں بیٹرز نے رواں ورلڈ ٹی ٹوئنٹی میں مجموعی طور پر 411 پارٹنرشپ رنز بنائے ہیں۔
ان سے قبل2007 کے ایڈیشن میں گلکرسٹ اور ہیڈن نے بطور پارٹنرز 335 رنز بنائے تھے۔
