11 نومبر ، 2021
قومی کرکٹ ٹیم کے سابق کپتان انضمام الحق کا کہنا ہےکہ پاکستانی کھلاڑیوں کو ٹی ٹوئنٹی کرکٹ کھیلنےکا اسٹائل سیکھنےکی ضرورت ہے، جب تک آؤٹ ہونے سے ڈرتے رہیں گے اسکور نہیں کرسکتے۔
جیو نیوز کے پروگرام 'جشن کرکٹ' میں پاکستان کی آسٹریلیا کے ہاتھوں ورلڈ ٹی ٹوئنٹی کے سیمی فائنل میں ہار پر تبصرہ کرتے ہوئے انضمام کا کہنا تھا کہ آسٹریلیا نے اچھی کرکٹ کھیلی ہے۔
انضمام کا کہنا تھا کہ پاور پلےکا فائدہ نہیں اٹھایا تو بڑا ٹوٹل نہیں بن سکتا، قومی ٹیم کو ٹی ٹوئنٹی کرکٹ کھیلنےکا اسٹائل سیکھنےکی ضرورت ہے۔
شعیب اختر کا کہنا تھا کہ ہماری برانڈ آف کرکٹ دنیا سے الگ ہے، ہم ابھی بھی 90کی دہائی کی کرکٹ کھیلتے ہیں، ٹیم آسٹریلیا پریشر میں نہیں کھیل رہی ۔
