02 مارچ ، 2015 
آصف زرداری سے ون پوائنٹ ایجنڈے پر بات کی،عمران خان
02 مارچ ، 2015
اسلام آباد.......تحریک انصاف کے چیئرمین عمران خان کا کہنا ہے کہ پیپلزپارٹی کے شریک چیئرمین آصف علی زرداری سے ون پوائنٹ ایجنڈے پر بات کی۔عمران خان کی طرف سے جاری بیان میں کہا گیا کہ انہوں نے آصف زرداری سےسینیٹ انتخابات میں ہارس ٹریڈنگ کے خاتمے سے متعلق گفتگو کی ۔ عمران خان کا کہنا تھا کہ 2013کے انتخابات میں دھاندلی کے بعد سینیٹ انتخابات میں ہارس ٹریڈنگ کی وجہ سے پاکستان میں جمہوریت داغدار ہورہی ہے ، پی ٹی آئی نے انتخابات میں شفافیت لانے کا تہیہ کررکھا ہے۔ اسی لیے ن لیگ کی حکومت رضا مند ہوئی تو سینیٹ انتخابات میں اوپن بیلٹنگ کا مطالبہ کیا اورآل پارٹیز کانفرنس میں نمائندے بھیجے ۔ان کا کہنا تھا کہ اس معاملے پر ن لیگ کی حکومت کی سنجیدگی نظر نہیں آرہی ، پیپلزپارٹی اوپن بیلٹنگ کی اس لیے مخالفت کررہی ہے کیونکہ وہ جے یوآئی کے ساتھ ملکر ووٹوں کی خریدوفروخت میں ملوث ہے۔عمران خان نے کہا کہ پی ٹی آئی سینیٹ انتخابات میں کسی صورت بھی ن لیگ اور پیپلزپارٹی کی حمایت نہیں کریگی۔
مزید خبریں :
وزیراعلیٰ پنجاب نے ٹیکس بڑھانے کی تجاویز مسترد کردیں
09 جون ، 2025
عید کے تیسرے روز بھی کراچی کا موسم گرم رہنے کا امکان
09 جون ، 2025
راول ڈیم میں نہاتے ہوئے 3 نوجوان ڈوب کر جاں بحق
09 جون ، 2025
